DÍLI-Prezidente Repúblika, Taur Matan Ruak hateten atu hetan moris di’ak la’os imposível, maibe atu liu ida ne’e tenke servisu maka’as. Matan Ruak hato’o ida ne’e iha nia diskursu Komemorasaun Loron Independénsia ba dala 39 loron 28 Novembru 2014 iha Munisípia Aileu.

“Atu komemorasaun ne’e di’ak liu, timoroan hotu-hotu tenke sente no hodi hanoin katak ita nia servisu seidauk hotu. Ukun aan ita hetan ona, moris di’ak ita seidauk hetan. Ida ne’ebé ita seidauk hetan todan no defisil, biar la’os imposivel” Xefe Estadu repete lia fuan ne’ebé babain nia ko’alia iha nia vizita iha área rural.

Xefe Estadu hatutan kondisaun importante ba hakbiit aan no nasaun nia moris di’ak maka, ida hametin koezaun polítika no sosial. Signifika sosiedade no politika sira tenke hamutuk, esplika Taur. Iha istória hatudu, iha momentu ne’ebé ita fahe malu, iha momentu ne’e maka ema uza hodi destroi.

“Ita hanesan samea, ulun (lider-red) la la’o ketak povu la la’o ketak, maibe hamutuk hanesan samea ulun ho ikun hamutuk foin bele hetan saida maka nia hakarak. Ita tenke sai ema ida de’it

neon ida de’it, hakarak ida de’it  hodi  lori nasaun ba moris diak.

Parte segunda, Xefe Estadu alerta katak Maromak de’it maka bele halo milagre, maibe nia fiar povu Timor-Leste, povu ida ho kapasidade ho realizasaun maka’as, inisiativa, kreatividade, no la toba, matan mos, neon nain, iha nia servisu hasoru kiak no mukit ne’ebé loron- loron dere ita (nasaun) nia odamatan.

“Ha’u fiar katak ita bele. Mas, so bele kuandu ita servisu hamutuk, so bele, se ita fo ita nia kontribuisaun”

Parte terseira iha loron komemorasaun ne’e, xefe estadu husu maka hametin ekonomia maka dalan mesak hodi sustenta nasaun. Haforti ekonomia signifika produs barak liu, fahe di’ak liu. Maibe iha oras hanesan Prezidente rekoñese timor leste la iha buat ida se la hare ba fundus Mina nian.

“Ita sorte tanba iha osan mai husi minarai, ita taka karik ita nia matan osan ne’e la iha, saida maka mosu iha ita nia rain, ita la hatene. Tanba ne’e maka ita presija lori ita nia kosar been hetan barak liu tan, hodi kontiua hakbi’it liu tan ita nia aan hodi sustenta ita nia nasaun” Prezidente husu.

Komemorasaun loron independnesia tinan ida ne’e Estadu Timor – Leste selebra iha munisipiu Aileu ho nia objetivu atu hanoin hikas loron 15 de Agusto 1975 ne’ebé saudozo Nicolao Lobato deklara ba mundu katak povu Timor Prontu atu funu hasoru kolonialismu ba ukun rasik aan, no konsege mundialmente rekoñesidu iha 20 de Maio 2002. Tema Jeral ba komemorasaun ne’e maka da “da insureição à Libertação” katak husi insuresaun (moris fali) to’o ukun rasik aan.

 

 

Last modified on Friday, 05 December 2014
  • 0 comment
  • Read 55179 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP