José Ramos-Horta hahú hala’o Konferénsia Imprensa dahuluk hanesan Prezidente Komisaun Independente Altu Nível kona-ba Operasaun Dame, tuir informasaun hosi responsável ne’e ninia pájina ofisiál.

Eis-prezidente repúblika ne’e durante semana ida, hafoin to’o iha Nova Iorke, loron 17 fulan ne’e, hahú hala’o reuniaun ho Sekretáriu Jerál ONU, loron rua halo retiru iha Long Island, oras ida iha Manhattan hamutuk ho ninia belun Komisaun nian nomós rona “Think-Tanks” hodi aprende kona-ba tématika hosi dezafiu dame nomós seguransa nian iha mundu.

Hahú loron 20, 21 no 22, bainhira nia fila hikas ba sede ONU, Ramos-Horta sei halo diskusaun ho Konsellu Seguransa (oras 3), ho Kuarta Komisaun Polítika Espesiál AG nomós ho Kuinta Komisaun (kona-ba kestaun orsamentál).

“Impresionante ho ninia vontade, ninia domíniu kona-ba kestaun ne’ebé iha, fó resposta ba pergunta delikada no komplesa ho hakmatek no nakloke, no ninia asesibilidade ba jornalista sira”, dehan observadór ONU nian hothotu durante reuniaun.

Ramos-Horta rasik hateten: “Ekipa ida ho ema 14 maka haleu/ka hamutuk ho ha;u, sira hotu ho kareira akadémika no prátika ida ne’ebé di’ak tebes, no sira hotu haksumik ona misaun ONU nian oioin. No ha;u mós iha Sekretariadu ida ne’ebé iha esperiénsia barak, serbisu na’in no dedikadu.

Importante tebes: ambiente entre ita, membru ne’e di’ak tebes, no fó di’ak ba malu. Alénde ne’e ha’u mós iha relasaun pesoál amizade, konfiansa, respeita diplomata hothotu, sem problema superioridade ka inferioridade”.

Nobel da páz sei kontinua iha Nova Iorke to’o aban, hodi hala’o reuniaun, depois iha tempu kalan maka nia sei hala’o viajen, atu nune’e bele fila hikas mai Timor-Leste iha 27-novembru. Iha loron, 28-Novembro, José Ramos-Horta sei iha Aileu, hodi halo parte iha serimónia 28-novembru.  (Sourse: SAPO TL)

 

Last modified on Friday, 05 December 2014
  • 0 comment
  • Read 48385 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP