Arkivu no Muzeu Rezisténsia Timor-Leste, horisehik halo espozisaun ba ropa hosi vítima masakre Santa Cruz nian ne’ebé maka fó hosi família joven hirak ne’ebé mate iha tinan 23 liubá iha semitériu Díli, tuir informasaun ne’ebé Lusa fó sai.

Serimónia entrega formál kona-ba  ropa sira ne’e halo iha Arkivu no Muzeu Rezisténsia nian hosi reprezentante ida família vítima sira nian, Francisco Amaro, ne’ebé ninia oan-mane adoptivu mate iha masakre no sei la konsege identifika tanba laiha ADN hanesan.

Ropa sira ne’ebé entrega pretense ba mate-isin sira ne’ebé hetan iha rate komun ida ne’ebé médiku forense sira hetan no konsege identifika de’it ruin sira hosi ruin sira ne’ebé hetan.

“Ha’u agradese ba aman-inan hosi joven na’in sira ne’ebé identifikadu tanba fó sira ninia oan nia ropa ba Arkivu no Muzeu Rezisténsia nian”, Francisco Amaro hatete.
Marka mós prezensa iha serimónia maka Gregório Saldanha, hosi Komité loron 12 fulan-Novembru, ne’ebé fó apelu ba família vítima sira nian hodi entrega sasán ba muzeu hodi nune’e “ema hotu bele sai sasin ba istória”.

Serimónia ne’e relasionadu ho selebrasaun Loron Nasionál Juventude nian ne’ebé hanoin fali loron 12 fulan-Novembru hodi fó homenajen ba vítima sira masakre Santa Cruz nian.

Masakre Santa Cruz akontese bainhira joven atus rua resin halo marxa to’o iha semitériu ne’e iha Dili hodi fó homenajen ba joven Sebastião Gomes ne’ebé mate hosi elementu ida ho ligasaun ba forsa indonéziu sira. Iha semitériu, militár indonéziu sira tiru hasoru grupu ne’e no halo ema na’in 74 mate iha fatin. Iha loron sira tuirmai, joven na’in 120 resin mate iha ospitál ka mate tanba hetan persegisaun hosi forsa okupante sira.

Relasionadu ho komemorasaun sira Loron Nasionál Juventude nian, Arkivu no Muzeu Rezisténsia nian hala’o ona iha fulan ne’e nia laran jogu hamutuk ho eskola sira iha Díli kona-bá istória rezisténsia nian, no horisehik entrega ona prémiu ba estudante sira ne’ebé mana’an.

 

 

Last modified on Friday, 05 December 2014
  • 0 comment
  • Read 41066 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP