Fó pose ba membru Governu foun, hosi VI Governu Konstitusionál sei hala’o iha loron 6-fevereiru lorokraik, no tanba sei atu hatene grupu governativu foun ne'e iha 31-janeiru, dehan fonte Estadu ba Lusa.

Fonte ezekutivu ne’e dehan ba Lusa katak gabinete primeiru ministru Xanana Gusmão husu sujestaun kona-ba prosesu remodelasaun ka restruturasaun Estadu nian.
To’o oras ne’e serimónia tomada de pose hala’o iha Palásiu Prezidensiál, Lahane.
Prezidente Repúblika, Taur Matan Ruak oras ne’e daudaun hala’o hela vizita bá rejiaun Lospalos no sei fila hikas mai Dili, findesemana ne’e.
Durante semana hirak ikus ne’e, ema iha Dili barak maka hakarak hatene membru Governu sese maka sai no sese maka sei sai hanesan ezekutivu foun, tanba ne’e maka fonte Estadu nian esplika katak sei “hamenus estrutura ne’ebé iha”, hosi 55 ba fali element “25 ka 30”. Novidade seluk maka hatama ezekutivu hosi membru Fretilin, partidu opozisaun, ne’ebé konvida individuál de’it, la’os liu hosi partidu ne’e rasik.
Fonte Governu ne’e dehan ba Lusa katak pelumenus naran tolu hosi membru Fretilin maka sei simu konvite hanesan: eis-ministru Saúde Rui Araújo, atuál deputadu Fretilin Estanislau da Silva no líder hosi bankada Fretilin, Aniceto Guterres.
“Konvite ne’e ba ema Fretilin nian no la’os ba Fretilin”, dehan fonte partidu nian.
Tuir informasaun ne’ebé Lusa hetan katak, fonte hosi ministériu oioin maka konfirma kona-ba saída hosi ministra Finansa, Emília Pires ho ninia visi-ministra, Santina Cardoso.
Naran seluk ne’ebé sei tuun hosi kargu maka Alfredo Pires, ne’ebé to’o agora sei haksumik kargu hanesan ministru Petróleu no Rekursu Minerais.
Haktuir hikas katak, iha segunda-feira foin daudaun membru Governu hothotu simu karta hosi Xanana Gusmão ne’ebé dehan katak sei nafatin ka sai iha ezekutivu foun, fó hatene ba sira ne’ebé sai katak tenke prepara-aan atu tuun hosi kargu to’o loron 1-fevereiru.
Karta ne’e ho “tipu rua”: ba sira ne’ebé sei atu kontinua iha Governu, husu atu prepara-aan “ba estrutura foun” no ba sira ne’ebé sai, husu atu prepara-aan ba rezignasaun “to’o 01-fevereiru”.
“Primeiru ministru hakerek ba membru ezekutivu 55. Ida hodi dehan hela nafatin no ida seluk dehan atu sai”, tenik fonte governamentál.
Tuir fonte ezekutivu seluk dehan ba Lusa katak ministru Transporte, Pedro lay mós sei aprezenta ninia demisaun ba primeiru ministru. Iha alterasaun seluk, ministru Justisa, Dionísio babo bele hetan hikas promosaun. (Sourse: SAPO TL ho Lusa)

  • 0 comment
  • Read 36559 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639