Komunikadu hosi prezidente repúblika ho elenku hosi Governu foun tau Rui Araújo maka hanesan primeiru ministru, iha parte leten no iha lista finál tuir ema barak dehan sei bele kontinua ho liafuan ikus; Xanana Gusmão.

 

Primeiru ministru demisionáriu, Xanana Gusmão maskie tuun ona hosi ninia kargu, maibé influénsia ka kontribuisaun ne’ebé nia fó ba Governu no ba Timór sei kontinua metin nafatin ho povu.
Kargu ne’e bot – Ministru Planeamentu no Investimentu Estratéjiku – ho ninia mandatu – falta de’it maka atu hatene kona-ba lei orgánika hosi pasta ne’ebé tutela – fó importánsia krusiál ba Timor-Leste iha tinan hirak tuir mai.
Planu Dezenvolvimentu hanesan elementu sentrál ida hosi programa V Governu ne’ebé agora termina, no Governu foun sei hahú iha segunda-feira no tanba ne’e maka influénsia kona-ba liña mestra polítika governativa permanese iha Xanana Gusmão ninia liman.
No sira maka ka’er parte bot hosi investimentu públiku ba tinan hirak tuir mai, iha nasaun ne’ebé kontinua ho 90% hosi ninia PIB depende hosi Orsamentu Estadu no parte bot ekonomia nian submete ba iha obra públika no saláriu funsionáiu públiku nian.
Rui Araújo hanesan ema finansa públika – tanba haree ba ninia koñesimentu tékniku, hanesan Xanana Gusmão rasik esplika iha karta hodi fó justifikasaun ba partidu sira kona-ba ninia eskolla – maibé primeiru ministru demisionáriu hanesan ema ida ne’ebé forte ba polítika.
Grupu governativu rasik hanesan demostrativu hosi estratéjia Xanana Gusmão nian hodi halo negosiasaun atu ohin loron define Rui Araújo hanesan “Governu unidade nasionál ida”.
Maski seidauk formál. Iha pr’atika konsege mantén membru hosi partidu hothotu ho reprezentasaun parlamentár ba iga grupu ezekutivu ninia laran – Orsamentu Estadu aprova ona iha tinan tolu liu ba ho konsensu – inklui saida mak to’o agora, opozisaun Fretilin (Frente Revolucionária do Timor-Leste Independente).
Líder partidu nian insisti katak konfigurasaun ne’e lahatudu kona-ba Fretilin ninia prezensa, ne’e siknifika katak elementu hosi partidu refere simu konvite individuál hodi halo parte iha Governu foun, maski nune’e ema barak maka lasimu.
Liu-liu tanba alénde primeiru ministru, naran seluk ne’ebé tama iha Governu hosi Fretilin nian.
Estanislau da Silva akumula kargu ministru Estadu Kordenadór ba Asuntu Ekonómika ho ministru Agrikultura no Peska, Hernâni Coelho asumi komandu iha Ministériu Negósiu Estranjeiru (hodi troka José Luis Guterres, ne’ebé hanesan líder hosi Frente Mudança, partidu ida hosi partidu tolu ne’ebé halo koligasaun iha Governu ida uluk) no depuatdu Inácio Moreira, maka sei sai hanesan visi-ministru ba Obras Públikas, Transportes no Komunikasaun.
Timor-Leste hatudu tan modelu ida ne’ebé Governu ida halibur talnetu partidáriu no hanesan lian konkorente autrora no pelumenus element lima – primeiru ministru ida no ministru Estadu na’in haat – iha organigrama, iha poder liu duke antigu xefe.

Last modified on Sunday, 15 February 2015
  • 0 comment
  • Read 5111 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP