Demokrasia laós atu kura Estadu nia moras hotu-hotu duké limita “jogu eleisaun” ida ne’ebé partidu hotu-hotu “dezesperadu” hodi prova lejitimidade ba ninia kredibilidade”, dehan Xanana Gusmão ohin.

 

“Ami hakarak lori ami nia ema sira hodi uza demokrasia atu deskuti problema sira nasaun no no hetan solusaun di’ak. Ida ne’e mak demokrasia. Laós manan, ka lakon no kestaun hirak ne’e hotu”, afirma eis-primeiru-ministru.

“Ita iha Timor-Leste mai ita tenta ita nia didiak hodi eduka joven sira atu komprende substánsia demokrasia mak ida ne’ebé. Laós ko’alia dei’it, kritika hotu no karik ita husu atu sira aprezenta alternativa ida, husu atu partisipa, sira dehan katak ninia papel mak kritika de’it”, nia hatutan tan.

Eis-primeiru-ministru, no atuál ministru planeamentu, interven iha loron daruak ba enkontru internasionál iha Díli kona-ba sistema eleitoral no demokrátiku, ne’ebé organiza husi Komisaun Nasionál Elesaun nian, iha ámbitu Asian Electoral Stakeholder Forum (AESF).

Molok responsável eleitoral husi nasaun oi-oin, Xanana Gusmão husu atu “jogu eleisaun sira (…) laós ne’e hotu”, liuliu bainhira partidu no grupu polítiku sira limita malu “dezesperadu iha poder hodi prova lejitimidade ba ninia kredibilidade”.

Timor-Leste “sei kontinua nafatin atu realiza eleisaun sira, loos”, no depende ba rezultadu sira, dehan, maibé “ne’e laós hotu”maibé importante liu mak “prepara jerasaun foun hodi labele iha hahalok divizaun nian”.

Konsidera katak Timor-Leste tenke avansa “neneik liu tan”, Xanana Gusmão hatete katak laós de’it manan eleisaun, “hanesan akontese iha Europa, ne’ebé manan eleisaun sira maibé depois laiha osan no la konsege rezolve buat hotu-hotu”.

“Di’ak liu orienta jerasaun foun no matenek na’in sira hodi haree ba nasaun no laós ba interese partidu nian ka manan eleisaun”, nia dehan.

Prosesu ida ne’ebé sosiedade sivil moos bele partisipa, sempre tau interese nasaun nian “tau aas liu hotu” atu kontinua fahe nasaun no sosiedade.

“Hau fiar katak bainhira sosiedade sivil komesa haree, konsiente no ho responsabilidade ba interesse nasaun nian, konsege servisu ho instituisaun Estadu nian, ho setór sira seluk, hodi haree ba prosesu dezenvolvimentu nian”, nia dehan.

“Ita kontinua hasoru ki’ak, moras. Tanba ne’e ita tenke halo balansu, hatan ba dezafiu barak, dezafiu ne’ebé ita nia ema sira kontinua enfrenta. No hau firak katak ita bele halo de'it kooperasaun di’ak no defeza ba nasaun nia interese”, nia dehan.

Xanana Gusmão repete fila fali ninia preokupasaun sira iha Timor-Leste “liberdade no demokrasia” uza hodi “kondena ema la ho prova”, inklui liu husi rede sosiál sira ne’ebé “iha papel destrutivu ida iha sosiedade”timorense.

Nia husu atu ninia desizaun hodi sai hosi kargu priemiru-ministru no hili membru ida husi partidu seluk hodi susede, hakarak hatudu katak forsa demokrasia “iha alternativa no laós alternánsia” ba poder.

“Alternánsia poder, husi eleisaun sira, la rezolve buat ida. Ita tenke haree oinsá eduka ita nia povu no ita nia sosiedade hodi haree ba nesesidade alternativa, laós alternánsia”, nia afirma, iha fraze ida hanesan temi ona, iha loron dahuluk konferénsia husi Mari Akatiri, sekretáriu-jerál Fretilin nian.

 

  • 0 comment
  • Read 5360 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP