Dili, Bispu Alberto Ricardo da Silva, moris iha Aileu iha loron 24 Abril 1943 no husik i’is iha Hospital Nasional Guido Valadares (HNGV) iha loron 2 Abril 2015, ne’ebé mate ho idade tinan hitu nulu resin ida (71 anos). Tuir mai ne’e segredu importante sira ne’ebé mundu hatene no hakerek konaba Eis Bispu Diosece Dili ne’e.

 

Bispu Alberto ordena ba dahuluk hanesan Amo lulik iha loron 15 Augusto 1972 ho idade tinan rua nulu resin sia (29 anos) no Papa Joao Paulo Segundu (II) nomeia ba Bispu Diocese Dili nian iha loron 27 Fevereiru 2004 no simu ordenasaun episkopal iha loron 2 Maiu 2004, ho idade tinan ne’en nulu resin ida (61 anos).

Papa João Paulo II ne’ebé nomeia Bispu Ricardo mate iha loron 2 Abril 2005 iha Roma, Italia, no liu tiha tinan sanulu (10), Eis Bispu Diocese Dili ne’e mate mos iha loron ne’ebé hanesan (2-Abril).

Hanesan haktuir iha portal VATICAN INSIDER nian, Papa Joao Paolo II mate iha tuku 8;27 kalan oras Italia nian, no tuir mos publikasaun ne’ebé Padre Martinho Gusmao (Padre Paroku Municipiu Manatuto) publika katak Amo Bispu Ricardo mos mate iha oras ne’ebé hanesan (8;27 kalan Oras Timor Leste).

Husi Portal Database Católiku husi Diocese Ásia nian (UCAN NEWS) fo sai katak bainhira sei sai hanesan Amo Lulik ka Padre ba Diocese Dili, Bispu Ricardo nu’udar amo lulik ida ne’ebé dedikadu tebes no tau nia an iha risku iha luta Timor nian ba ukun rasik an.

“Iha Novembru 1991, Amo Ricardo mak lidera misa ba Saudoso Sebastiao Gomes ne’ebé Militar Indonezia nian oho, no bainhira mosu tiha Masakre Santa Cruz ne’ebé hamate jovem no labarik na’in atus rua lima nulu resin (250 pesoas liu), Amo Ricardo nia vida hetan kedas ameasa oin oin husi tropas Indonezia inklui hateten Amo da Silva hanesan “Mastermind” ba masakre nian” Hakerek portal UCAN NEWS hanesan CJITL asesu.

Liu tiha fulan balun, Vaticano deside hodi haruka sai husi Dili, Amo Ricardo hodi ba tuir estudo teologia klean liu tan iha Roma hanesan mos dalan hodi proteze Amo Alberto husi ameasas tropa Indonezia nian no foin fila mai Timor tinan hirak liu tiha.

Segredu diak seluk ne’ebé mundu hakerek maka, haktuir iha Wikipedia katak, liu tiha tinan ida ho balun, Amo Ricardo ordena tiha ba Bispu Diocese Dili, tuir mai iha loron 5 Dezembru 2005, Bispu Timor oan ne’e hakerek kedan karta ida ba Sekretariu Jeral ONU, Kofi Annan hodi husu atu establese Tribunal Internasional tuir Artigu 7 husi Rezolusaun ONU hodi halo julgamentu ba autor krime Indonezia nian ne’ebé viola direitos humanos iha durante funu okupasaun Indonezia nian.

Last modified on Friday, 10 April 2015
  • 0 comment
  • Read 3876 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP