Ema rihun resin, hosi parókia oioin ne’ebé ezisti iha teritóriu maka ohin fó omenajen ikus ba D. Alberto Ricardo ohin, liu hosi aifunan, kántiku no orasaun, durante hala’o prosisaun bá to’o iha rate Maloa.

Ohin, joven barak maka uza kamizola hosi sira-ninia parókia rasik no balun ho kamizola refere ba masakre Santa Kruz, hodi halo liña iha dalan karuk no los, besik metru lima no iha loron manas ninia laran hosi Katedrál bá to’o iha rate, atu hakoi eis-bispu Dili.

Figura importante Estadu nian, ne’ebé tuir ona misainklui mós Xanana Gusmão iha prosesaun naruk, nia taka ho boné mean Real Madrid nian hodi fó onra ba ninia kompatriota: “sira kanta, kanta”.

Iha dalan parte los no karuk, sarani sira lori bandeira kor kinur ho mutin, bispu ninia foto, tersu ida no fraze ne’ebé hakerek “Adeus Amu Bispu” – Amu ne’e ho lian tétum padre no baibain sarani sira uza hanesan respeitu ba padre sira.

Alberto Ricardo da Silva, ne’ebé mate iha Ospital Nacional Guido Valadares, Dili, kinta-feira semana kotuk, ninia funerál hanesan funerál ba ema estadu ida, tanba sarani hahú fó omenajen desde sesta-feira madrugada, iha velóriu iha ninia eis-rezidénsia.

Ohin hanesan loron lutu nasionál – bandeira hasa’e ho meia aste to’o loronmatan monu – no figura importante Estadu nian partisipa iha velóriu formal, domingu no misa ne’ebé ohin selebra hosi bispu Baucau nomós hanesan administradór apostólika Dili, D. Basílio do Nascimento, hosi bispu Maliana, D. Norbeto Amaral ho bispu Darwin, Eugene Hurley.

"Ema hothotu hanesan anin", dehan Basílio do Nascimento iha omilia hodi fó hanoin hikas kona-ba "vontade bot” ho "karate forte" hosi eis-bispu ne’e, ko’alia mós kona-ba dedikasaun ne’ebé Alberto Ricardo da Silva - "poeta, hakerek na’in, místiku no desportista" – sempre fó ba Timor-Leste no ba timor-oan hothotu.

Dalaruma iha sintonia ba fotografia sorridente hosi bispu nian ne’ebé tau iha parte karuk kaixaun nian, ba Basílio do Nascimento nune’e mós Xanana Gusmão - eis-prezidente ho eis-primeiru-ministru ko’alia loro sosiedade sivil ninia naran – hamnasa beibeik iha ema rihun resin ne’ebé marka prezensa.

Istória kona-ba juventude hosi eis-bispu Dili no hosi buat hirak ne’e hotu maka Xanana Gusmão aproveita hodi haktuir hikas kona-ba papel hosi Igreja timor-oan nian ba libertasaun nasaun ne’e, liu-liu kona-ba eis-bispu apoiu no luta ba Timór ninia independénsia.

Iha duni padre besik 200 ninia oin, polítiku hothotu ko’alia de’it kona-ba apoiu ne’ebé eis-bispu Dili fó ba joven sira molok no depois masakre Santa Kruz iha 12-novembru-1991, bainhira nia sei hanesan vigáriu jerál dioseze Dili nian.

Eis-bispu latauk ho ameasa ne’ebé autoridade indonézia sira halo no aseita hodi halo misa ba Sebastião Rangel, tanba ho joven ne’e ninia mate maka hanesan inisiu hosi masakre refere.

Momentu ida ne’ebé furak liu iha D. Alberto Ricardo da Silva ninia serimónia funerál maka bainhira ikus liu xefe Estadu Taur Matan Ruak, kondekora eis-bispu ne’e ho Orden Nicolau Lobato, tuir pedidu Governu nian, relasiona ho serbisu ne’ebé matebian halo ba nasaun.

Molok diskursu ikus hodi hakotu misa fúnebre, taur Matan Ruak haktuir hikas katak Alberto Ricardo da Silva hanesan ema ne’ebé fó aan ba “dedikasaun, responsabilidade no serbisu ba nasaun”, sempre mai “ho korajen, maski iha hela situasaun difisil” kona-ba istória Timor-Leste nian.

Sempre hamutuk ho povu, dehan xefe Estadu no hatutan tan katak eis-bispu ne’e “sempre hatudu kbi’it organizadora no mobilizadora ne’ebé bot”, hodi sai hanesan “ezemplu koer’ensia ida, konfiansa ida no serbisu ida” no nu’udar “marka ida ba esperansa iha futuru”.

  • 0 comment
  • Read 2954 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP