Empreza arkitetura portugeza ida aprezenta iha sesta-feira iha Díli projetu ampliasaun ba kompleksu Prezidensiál Repúblika Timor-Leste nian, ne'ebé aposta iha "dignidade, estabilidade no hakmatek" no kria "fatin memória ida, uluk no futuru".

 

Projetu ho naran Gonçalo Lencastre Arquitectos engloba ho valor euro millaun 20 resin ne'ebé destina ba "fó Prezidénsia Repúblika Timor-Leste ho fatin fíziku no dignidade ho funsionalidade" nesesáriu.

Ampliasaun hola parte Rezidénsia Prezidensiál foun no Muzeu Prezidénsia.

Ne'e introduz iha faze, fatin foun liur no edifísiu iha rai leten ne'ebé besik sul no leste hosi kompleksu agora, uluk uza hanesan eliportu no agora instalasaun apoiu ba Prezidénsia.

Ne'e inklui rekualifikasaun no haluan estrutura hirak ne'ebé eziste ona.

Iha projetu ne'e, esplika empreza ne'ebé manán konkursu internasionál ho emperza seluk iha mundu, sai predominante "marka istória rezisténsia no rezilénsia ne'ebé sai trasu distintivu povu Timor-Leste nian".

Aleinde transmite ideia sira "dignidade, estabilidade no solidariedade", projetu hakarak moos kria, "fatin memória, uluk no futuru" ida, ne'ebé rekoñese "akontesimentus sira ne'ebé hodi forma nasaun timorense" maibé serve hanesan moos testemuña ba jerasaun futuru sira.

Tan ne'e, projetu sei inklui Prasa Seremonial Foun iha entrada (Prasa da Parada), Memorial ida, iha sentru prasa nian, no Muzeu foun Prezidénsia ida.

Jardin sira, prasa no pátiu sira sei iha bee espellu, ho aihoris hanesan sitronela hodi duni susuk no sistema hodi sirkula bee.

Projetu ne'e bazeia ba núkleu rua - norte-sul no leste-oeste - ho entrada rua iha prinsipál, besik Avenida Nicolau Lobato, sei iha Prasa Serimonial no fatin foun sira ho asesu ba públiku: Memorial no Muzeu Prezidénsia nian.

Sul sei iha pátiu ho jardin, klaustru kuadradu ida bo'ot no núkleu edifísiu Prezidénsia ida foun tan ne'e, iha kompleksu sei organiza Uma Sivil Gabinete Prezidénsia, no "Observatório da Pobreza", nune'e moos hanesan sala resesaun no fatin multiuzu.

Iha entrada seluk sei iha Prasa Sentrál, ho asesu ba Rezidénsia foun no edifísiu Uma Militar.

Oferese ona hosi Governu xinés, Palásiu Prezidensial Nicolao Laobato hahú harii ona iha 2005 no inaugura 27 agostu 2009, molok loron aniversáriu referendu autrodeterminasaun nian.

Edifísiu substitiu mítiku "Palácio das Cinzas", edifísiu durante okupasaun indonézia akolla servisu polísia no rejistu automóvel sira (SAM/SAT), rahun totál iha violénsia 1999 no inaugura 28 outubru 2002.

Iha momentu inaugurasaun, Prezidente Repúblika, Xanana Gusmão, hatete katak hili naran ba Palácio das Cinzas "omenajen ida ba prosesu ne'e rasik" luta ba independénsia Timor-Leste nian.

"Hanesan apelu ba kontensaun despeza públikaiha rubrika ladún relevante ka ladún urjente. Se lae iha jestaun di'ak ba nasaun, reseita sira hosi petróleu sei sai desgrasa ida", nia dehan.

(Sourse Sapo ho Lusa)

 

 

  • 0 comment
  • Read 3835 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP