Prezidente Asembleia Repúblika portugeza hato’o ba prezidénsia timoroan CPLP nian kona-ba kriasaun programa foun ida, provizoriamente hanaran "Pessoa" ba mobilidade estudante ensinu superiór no profisionál nian.

 

Assunção Esteves nia proposta entrega ohin hosi delegasaun deputadu portugés sira nian ida ne’ebé hala’o vizita mai Timor-Leste ba ministru Estadu no Koordenadór ba Asuntu Sosiál no ministru Edukasaun, Fernando La Sama Araújo.

Dokumentu servisu nian ne’e entrega hosi deputadu na’in lima hosi delegasaun Grupu Parlamentár Amizade (GPA) Timor-Leste-Portugál, kompostu hosi prezidente Arménio Santos (PSD), hosi vise-prezidente Antónia Almeida Santos (PS) no Inês Teotónio Pereira (CDS-PP) no mós hosi deputadu João Ramos (PCP) no Helena Pinto (BE).

Hodi delegasaun nia naran, Arménio Santos hatete ba Lusa katak " iha sentidu" envolvimentu Comunidade dos Países de Língua Portuguesa (CPLP) nian sai bo’ot liu tan iha prosesu apoiu ba ensinu portugés, asuntu, hatete katak diskutidu ona iha nível resente reuniaun Asembleia Parlamentár organizasaun luzófona nian iha ne’ebé defende "nesesidade konverjénsia iha nível lía, edukasaun no kultura iha espasu" organizasaun luszófona nian.

"Hosi parte Portugál nian, iha empeñu hotu hodi estimula, insentiva, apoia no partisipa iha uniformizasaun polítika apoiu ba lía portugés iha nasaun iha ne’ebé iha difikuldade barak", nia afirma.

Tuir dokumentu servisu nian, programa mobilidade sei permite ba alunu hosi kualker Estadu-membru CPLP nian dezenvolve parte hosi nia siklu estudu iha instituisaun ekivalente hosi nasaun seluk CPLP nian, benefisia ba bolsa organizasaun luzófona.

Programa ne’e sei abranje tantu estudante hosi ensinu superiór nune’e mós hosi kursu formasaun profisionál no sei ajuda atu fahe koñesimentu, troka informasaun no prátika di’ak entre instituisaun no reforsa komunidade hanesan "komunidade lía nian ida".

Ideia kriasaun ba programa pilotu ida iha CPLP idéntiku ba europeu Erasmus hanesan primeiru maka hetan aprovasaun iha Asembleia Parlamentár CPLP nian iha novembru tinan 2013, iha Luanda.

Proposta hosi Assunção Esteves ne’e sei debate iha nível Asembleia Parlamentár CPLP, Prezidénsia Ezekutiva no durante reuniaun ministru Edukasaun CPLP nian prevista ba loron 17 abril, iha Díli.

(Sourse: SAPO TL ho Lusa)

Last modified on Friday, 10 April 2015
  • 0 comment
  • Read 3862 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP