Dili: Kuarta-Feira (29/7), Universidade Nasionál Timor-Leste (UNTL) hetan líder foun liu husi eleisaun konsellu Jerál UNTL , kompostu husi ema 12 ne’ebé hili DR. Francisco Miguel Martins nu’udar Reitór foun ba Universidade Nasionál Timor-Leste (UNTL) , ba períodu 2016 to’o 2020. 

Total kandidatu ne’ebé kompete iha votasaun ne’e hamutuk ema na’in rua, ida maka Reitór sesante, Aurélio Guteres no kandidatu ida seluk maka, Francisco Miguel Martins. 

Prosesu votasaun hili Reitór foun UNTL ba periodu 2016-2020 ne’e hala’o iha salaun enkontru arkivu rejzstensia.

Rezutadu votasaun iha momentu ne’e hatudu katak, membru konsellu jerál na’in  10 maka vota ba Francisco Miguel Martins no na’in 2 maka vota ba Aurélio, tan ne’e Francisco maka ofisialmente asume kargu nu’udar Reitór foun ba UNTL. 

Hafoin eleitu, Francisco haktuir ba Online Tempo Timor katak programa prioridade hamutuk sanulun resin lima (15) ne’ebé maka importante tebes atu implementa durante ninia mandatu, hodi nune’e bele reforsa kualidade institusionál UNTL nian.

“Husi programa hirak ne’ebé ohin ha’u temi maka hanesan, planeamentu jestaun institusionál, konstrusaun ajenda akadémika, asisténsia estudantil, peskiza kriasaun no inovasaun, politika ba kualifikasaun graduasaun ba serbisu, sustentabilidade no institusionálizasaun ba planeamentu komunikasaun meiu ambiente no plantasaun bee no saniamentu institusionál.” dehan Francisco iha ninia entrevista ho jornalista Online Tempo Timor.

Aleinde ida ne’e iha mos programa seluk maka hanesan, institusionálizasaun ba implementasaun sistema internal administrasaun finansa nian , kriasaun unidade orgánika foun , organizasaun akadémika ba administrasaun kooperasaun nasionál no internasionál.

Francisco haktuir katak programa prioridade hirak ne’e maka sei implementa iha prosesu dezenvolvimentu institusionál UNTL ne’ebé eziste nu’udar instituisaun públika estadu nian, institusionál formadora iha responsabilidade moral étika no polítiku hodi fo formasaun ida ne’ebé adekuada no kualidade ba ida ne’e.

“UNTL nu’udar instituisaun públika, ne’e duni iha orsamentu ne’ebé prevé ona iha orsamentu jerál estadu. Mesmu nune’e, bazeia ba ha’u nia aprezentasaun ohin katak, UNTL labele dependente de’it ba orsamentu estadu nian, maibe oinsá bele buka ona fundu rasik hodi sustenta nesesidade Universidade nian.” Francisco hakotu.

 

  • 0 comment
  • Read 2711 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP