Redaksi

Redaksi

Primeiru Ministru Kay Rala Xanana Gusmão Domingu (21/12) kalan, selebra natal hamutuk ho difisientes no orfonatus sira husi Distritu 13 iha Centro Convensoens Dili.
Objetivu husi seremonia natal hamutuk ne’e, atu labarik orfonatus no difisiente sira mós bele senti kontenti iha loron kmanek ida ne’e. Selebrasaun Natal hamutuk ne’e ho tema, ‘Liafuan halo an ba ema, ami hare nia Gloria.

Tuesday, 23 December 2014 00:00

KP-CNRT Halo Aniversariu Ba Dala IV

Dili Media Libertasaun Povu-Klibur Profesional Partidu Conressu Nasiona de Rekonstrucsaun Timor Leste (KP-CNRT), hala’o Certame Final KP-CNRT ho Tema “Istoria Tratadu no Reseitas husi Ita Nia Rikusoin Tasi Timor”.

Iha tinan ne’e, KP-CNRT halo aniversariu ba dala Haat, nebe sempre konvite estudante sira husi universidade, hodi fo Apoiu material kona ba istoria tratadu Tasi Timor ba sira atu nune’e sira bele prepara sira nia an mai halo kompeti iha Certame final KP-CNRT nian.

Iha Certame Final KP-CNRT ne,e, estudante iha universidade Tolu mak hamutuk hodi kompeti. Iha final ne’e premeru lugar estudante husi Aileu Science And Tecnology Instite (ASTI) ho valores 900, segundu lugar, estudante husi Universidade Dili (UNDIL) ho valores 800, no terseru lugar mak husi estudante Instituto Professional De Canossa (IPDC) ho valores 400.

Lautem- Ministru Justissa,Dionisio Babo ho Funsionáriu Ministériu Justisa Tomak hala’o komemorasaun loron Internasional Direitus Umanus iha Munisipiu Lautem,iha komemorasaun ne’e hala’o mos sertame hanesan diskursu públiku entre Estudante Sekundáriu iha munisipiu Lautem nomos halo jogu amizade entre ekipa Minsitériu Justisa ,ho ekipa PNTL,hala’o mos vizita ba hospital referal Munisipiu Lautem aleinde ne’e mos hala’o vizita ba simetériu hodi fo onra ba asuwain sira ne’ebé lakon sira nia vida ba rai ida ne’e.

 Hafoin hala’o selebrasaun loron Direitus umanus ne’e mos Ministériu Justisa,Dionisio Babo ho Administrador Munisipiu Lautem intrega mos prémiu ba manan nain sira husi diskursu públiku entre estudante Seundáriu sira, primeiru Lugar husi escola Sekundária Nico Conis Santana,Segundu Lugar husi escola Sekundária públika No 1 Lautem,Terseiro Lugar husi Escola Seundária públika Lospalos.

Serimónia selebrasaun ne’e hala’o iha salaun Munisipiu Lautem, Quarta Feira (10/12) Iha diskursu ba komemorasaun loron Internasional Direitus Umanus Ministru Justisa,Dionisio Babo hateten katak Asembleia Jeral Nasoins Unidas ne’ebé adopta no proklama deklarasaun Universal Direitus Umanus iha loron 10 fulan Dezembru iha tinan 1984 ho nia prinsipiu katak ema hotu-hotu iha direitu hanesan no labele halo diskriminasaun bazeia ba rasa,suku,status sosial relijaun no seluk tan ne’ebé la fo valor ba dignidadade umanu iha mundu tomak.


Ho nune ohin loron 10 fulan Dezembru sai hanesan loron inportante ba mundu tomka inklui mos Timor Leste liu-liu iha Munisipiu Lautem hodi selebra loron inportante ida ne’e,loron direitus umanus iha nia sentidu ne’bee klean hodi fo hanoin ba ita ida-idak laos deit atu selebra maibe inportante mak,oinsa ita bele implementa iha ida-idak nia moris lor-loron selebrasaun sei la iha folin banhira ita la implementa prinsipiu fundamental direitus umanus hira ne’e

Dionisio Babo, MJ

Dehan Ministro Jutica,Dionisio BaboMJ mos informa katak ho ida ne’e Timor Leste presija konsolida dame no estabilidade hodi asegura observansia ba direitus liberdade fundamental iha Timor Leste hodi bele hametin ita nia estadu no soberania tomak iha estadu direitu Demokratiku.
“Ho ida ne’e sidadaun hotu-hotu iha obrigasaun hodi kontribui ba pas no estabilidade iha ita nia nasaun liu husi paz no estabilidade mak iha posibilidade as hodi kontribui ba dezenvolvimentu nasional ba paiz ida ne’e nune bele garante ema hotu sei bele goza sira nia direitus umanus tomak”tenik MJ
Akresenta mos katak hodi komemorasaun loron importante ida ne’e Sekretaiu Jeral Nasoens Unidas nian hata’o Mensagen hodi bolu atensaun ba estadu no membru ida-idak hodi fo onra ba sira nai obrigasaun hodi proteje diritus umanus loro-loron iha tinan tomak.

Iha fatin seluk Direitus DNDHC, Celito Cardoso mos informa katak selebrasaun loron internasional Direitus umanus ba tinan ida ne’e governu liu husi Ministériu Justisa,disidi hodi hal’ao selebrasaun loron inportante ida ne’e iha Munisipiu Lautem.
“obrigado ba Sr Minsitro no funsionáriu tomak amibitu Ministériu Justisa hodi partisipa iha selebrasaun ida ne’e tamba ne’e lori komisaun organizadora nian naran hato diskulpa karik buat ruma la monu ita bo’ot sira nia laran durante atividade ne’e,ida ne’e sai hanesan lisaun bo’ot ida ba ami atu nune iha futuru bele lao diak liu tan”dehan Direitur Celito

 

Dili: Tersa Feira (9/12) horseik, Ministériu Edukasaun (ME) anunsia ona rejultadu Ezame Nasional ba públiku katak,finalista sira husi sekundáriu jeral inkluindu eskola tékniku vokasional 92% mak aprovadu (pasa),no 8% mak reprovadu (la pasa).

Ministru Edukasaun (ME), Bendito Freitas hatete katak ensinu sekundáriu jeral ho total alunus sira ne’ebé mak tuir ezame nasional ne’e hamutuk 15,273 nune’e hetan aprovadu (liu) 14.125 (92%) nune’e mós hetan reprovadu ka (la liu) 787 (8%) no mos la tuir ezame nasional 361 (3%).

 

Nia dehan,konaba ba eskola ensinu tékniku vokasional nia total alunus 2.192 ne’ebé mak tuir ezame nasional 2.049 ne’ebé (93,5%) mak hetan aprovadu ka (liu),no mos 70 (3,2%) mak hetan reprovadu ka (la liu) no mos 73 (3,2%) mak la tuir ezame nasional.

 

Ministru Edukasaun hatutan,konaba 9 (nono ano) ensinu bázíku ho total alunus ne’ebé partisipa iha ezame nasional 22.304 ho nia rejultadu 20.317 (91%) mak aprovadu ka (liu) no mos 1.578 (7%) mak reprovadu nune’e mos 409 (2%) mak la tuir ezame nasional.

ME Bendito Freitas esplika katak total alunus hahú husi eskola ensinu bázíku to’o iha eskola sekundária inkluindu eskola téknika vokasional ne’ebé inskritu hodi tuir ezame nasional ho nia total 39.769.

Husi total alunus 39.769 ne’ebé inskritu hodi tuir ezame nasional ne’e 36.487 (92%) mak hetan aprovadu ka (liu) no 2.435 (6%) mak hetan reprovadu ka (la liu) no mos 847 (2%) mak la tuir ezame nasional.

Ezame nasional ne’e relativu ho anu escolar 2014,hahú iha loron 4 to’o 6 fulan Novembru tinan ne’e,iha distritu 13 ne’ebé teritóriu laran tomak ne’ebé abranze ba alunus sira husi 9 (nono anu) ensinu bázíku 12 (désimu segundu anu) anu ensinu sekundáriu jeral no ensinu tékniku vokasional.

Tuir Ministru Edukasaun nia komparasaun tinan ne’e ho tinan kotuk tinan ne’e barak mak la liu ka reprobavu,tamba Ministériu edukasaun hakas an atu hadi’a kualidade ensinu hodi demostra duni edukasaun ida ne’ebé diak.

ME nia razaun ne’e,tamba atu forma futuru ba nasaun ne’e nian iha área edukasaun la’os fo liu deit,maibe kakutak mamuk nune’e presiza hodi taes didiak ba alunus sira ne’ebé mak matenek ho vagazen sientifika sufisiente hodi sai sidadaun ida ne’ebé diak,konsiente no responsável ba futuru.

Sekretáriu-Jerál Kongresu Nasional da Reconstrução de Timor-Leste (CNRT), Dionísio Babo, afirma katak presiza halo transisaun ida ho lideransa tuir dalan dame nian maka bele kontribua liu tán ba  desenvolvimentu nasaun ninian.

"Transisaun lideransa ida ninian labele halo liuhusi husik husi kedas governu, presiza buka dalan no senáriu, hodi remodela governu karik bele, atu nune’e transisaun bele sai pasífika no ajuda Timor-Leste hodi dezenvolve aan liu tán", afirma Dionísio Babo, hafoin hala’o abertura konferénsia extraordinária husi partidu, ne’ebé prezide husi Xanana Gusmão.
CNRT ohin hahú konferénsia estraordinária ida hodi debate no desidi kona-ba karik rezignasaun Xanana Gusmão bele halo, asuntu ne’e sei ko’alia aban, bainhira enkontru ne’e remata.

DILI- Partidu Fretilin no Partidu Demokratiku (PD) Kongratura Kongresu extraordianri  Partidu Konseilu Nasional rekonstrukasaun Timorense (CNRT) ho tema Indentifika Dezafiu  no buka Solusaun nebe  halao durante Loron rua.

Repzentante partidu Fretilin Arceino Paixao Bano hafoin Partisipa  Kongresu CNRT ba dala tolu nebe halao iha Sentru Konvensaun Dili Hatete prezensa iha Kongresu nee’e reprezenta Lideransa partidu Fretilin hodi kongratura Partidu CNRT

‘’ Hau Hakarak kongratula Partidu CNRT nebe halo sira nia konferensia ba dala tolu, nebe sira diskuti Asuntu Internu,” dehan Arceino Sabadu (02/08/2014) iha Sentru Konvensaun DIli.

Nia parte labele fo komentariu ba desizaun CNRT ninian liu-liu ba rezignasaun Primeiru Ministru Kay Rala Xanana gusmao  durante Kongresu CNRT ninian tamba partidu Seluk labele hatama kanuru tohar ba desijaun Partidu Seluk ninian.

Sunday, 03 August 2014 09:00

Militante CNRT Husu Remodela Ministeriu 4

DILI- mandatu governasaun Kintu governu Konstitusional durante tinan rua,Militante no Simpatizante Partidu Konseilu Nasional Rekonstrukasaun Timorense (CNRT) husu atu halo remodelasaun ba Ministeriu Hat nebe ministru sira laiha kapasidade atu lidera institusaun governu ninian.

Tuir  Koordenador Partidu Distritu Ermera Domingos Lemos Katak, Kay Rala Xanana gusmao nebe hanesan lider nasional ba Nasaun Timor Leste halo deit Remodelasaun radikal ba estrutura Kintu governu Konstitusional.

“Ministeriu Edukasaun, Saude, Agrikultura, Estatal no Sefope sai problema boot nebe ita infrenta iha baze ami rekomenda ba prezidente partidu CNRT Atual Primeiru Ministru ba Kintu governu Konstitusional bele halo remodelasaun,” dehan Domingos liu husi Diskursu Sabadu (02/08/2014) iha Kongresu Nasional Extra-ordinariu nebe halao iha Salaun Sentru Konvensaun Dili.

Sunday, 03 August 2014 09:00

P-CNRT, Partidu Úniku

Dili,SEKJER P-CNRT Dionisio da Costa Soares Babo  esplika katak  CNRT nudar Partidu Úniku ida tanba Partido CNRT tane aas povo nia interese no bele responde povo nia halerik

“ hau bele dehan orgulho, maski hasoru laloran polítika nebé boot, ita bele hakur liu ho sucesso. Iha neba mak ita bele ezamina ita nia pasiensia, dignidade, kumpriensaun, determinasaun ho maturidade politika iha lideransa nasaun ne nian”.

Lideransa ida ne hili atu akolha ho kalma, ho formas demokrátikas processo governasaun tomak ho diak, hodi hatur sentidu de estadu ba Timor oan tomak nia kakutak, no garante estabilidade iha territorio tomak, no neneik maibe bebeik, buka atu responde necessidade povu nian atu bele FIAR AAN LIU TAN. Lideransa iha ne se los no iha se nia komando? Konferensia ida ne mak sei fo resposta.

Page 16 of 18

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639