Redaksi

Redaksi

Liu hosi III Kongresu Partidu Kongressu Nasionál Rekonstrusaun Timorense (CNRT), Prezidente partidu CNRT, Kay Rala Xanana Gusmão hatete maske partidu CNRT manan iha eleisaun maibé antisipa atu labele mosu tan konflitu foun hanesan kilat.

“Partidu CNRT rasik sei matan mós, hodi antesipa labele mosu konflitu foun, liuliu ho kilat, hodi estraga populasaun no populasaun nia soin, konflitu nebé sei enfrakese deit Estado independente RDTL,” Xanana levanta kestaun ne’e iha nia diskursu abertura terseiru kongresu partidu CNRT, Sesta, 28/04/2017, iha sentru Konvensoens Díli.

Xanana dehan atu iha tempu besik ka naruk, krizi 2006 hatudu ona ejemplu ba ita katak ba futuru labele akontese tan krizi ne’ebé halo povu terus no sofre dala ida tan.

Prezidente CNRT akresenta Iha kontestu istóriku 2006 nian, maka CNRT, hanesan partidu polítiku, mosu atu bele partisipa ativamente iha Rekonstrusaun País no ba Libertasaun Povu, Kuandu temi hakarak ‘Liberta Povu’, ne’e katak iha duni ona “Vizaun ida ba longu prazu”, hodi bele orienta povu ida ne’e ba dalan ne’ebé nia bele hatán lolós ba ninia nesesidades tomak.

Xanana dehan baze fundamentál hodi kria Partidu polítiku, hanesan CNRT, Tanba moris hosi povu nia terus ne’ebé badak maibé todan ne’e, hanoin polítiku ne’ebé sai hanesan matadalan ba CNRT maka: “Liberta tiha ona Pátria, agora tenki liberta Povu”.

Eis Prezidente Repúblika ne’e salienta Tanba Libertasaun Pátria ezije tiha ona ba Povu sakrifisius ne’ebé sura la hotu, kompromísiu polítiku CNRT nian maka sei la lori tan povu ne’e ba sakrifísius desnesesárius ka ne’ebé loloos labele.

Iha krize nia laran, sosiedade timoroan, liuliu iha setor politiku, la konsege hatudu kbit atu haré didiak ba kauzas nebé hamosu dezastre politiku-militar ne’e, hodi la konsege evita ka hamenus konsekuênsias nebé lamentáveis tebes to’o ema balun mate, barak lakon sira nia bens no rihun liu atus ida mak sai husi uma, ho nune’e destrói ka halakon tiha armonia sosial iha País.

Krize ne’e prova konkreta ida ba kbit laek, husi ita rasik, atu korrije tiha erros nebé, ita hotu devia assume, hanesan koletivu ida nebé envolve direta ka indiretamente iha krize né, hodi husu fali komunidade internasional atu intervem, hodi hatudu tan fator seluk iha ita-nia realidade, hanesan Rai nebé foin sai husi konflitu – fator ne’e mak dependensia ka entrega fali intereses nasionais ba ema seluk nia liman.(###)

DILI- Figura politiku nain 3 hosi Partidu CNRT, Dionisio Babo Soares, Aderito Hugo no Francisco Kalbuadi Lay iha kapasidade hodi asumi kargu sekretariu jeral (sekjer) Partidu CNRT nian.

Maski dadauk ne’e Dionisio Babo Soares sei asumi kargu sekjen, ministru administrasaun estatal ne’e hakarak re-kandidata an tan ba nia kargu iha partidu.

Entertantu, Francisco Kalbuadi Lay atual Prezidenti Komisaun Diretiva Nasional (CDN) Partidu CNRT nian sedauk koalia sai nia kandidatura, maski Prezidenti Parlamentu Nasional, Aderito Hugo iha loron dahuluk kongressu nasional CNRT nian hato’o ona nia komentariu ba publiku katak pronto kandidata an ba kargu importante iha partidu CNRT nian laran ne’e

                “Ita hare kandidatura nain tolu nee mesak CNRT nia ema hotu, iha kapasidade hotu. Maibe kogresista mak sei diside ida neebe mak asumi kargu sekretariu jeral partidu,” dehan Koordenador CNRT Munisipiu Baucau ba Jornalista Sabadu (29/04/2017) iha sentru Konvensaun Dili.

Ba nia, se-se mak sai sekjer, importante ema ne’e bele servisu hamutuk ho prezidente partidu bele dezenvolve partidu no implementa programa partidu nian.

Lia hanesan hato’o hosi Koordenador Munisipiu Dili, Luis Caldeira katak sekjer foun tenki leal ba estrutura no partidu hodi servi povu  diak liu  no dezenvolve nasaun ba oin.

Saturday, 29 April 2017 00:00

Xanana Lidera Meja Kongresu CNRT

DILI – Eleisaun ba estrutura meja Assembleia Kongressu Nasional CNRT nian hili pakote Kay Rala Xanana Gusmao hodi lidera meja kongressu durante loron 3 hahu Sabadu (29/04/2017) too Segunda (01/05/2017).

Iha eleisaun estrutura meja kongressu nian ne’e, delegadu sira hatoo pakote 2 ne’ebe kompostu hosi lista A mak Prezidente Kay Rala Xanana Gusmao, Vice I Dionisio Babo Soares, Vice II Januario Perreira,Vice III Helder Lops,  sekreteria Idelta Maria Rodrigues, Vice Sekretariu I Carmelita Moniz, Vice Sekretaria II Bilou Mali. Iha aprezentasaun lista pakote ne’e hetan apoiu asinatura hamutuk 34 hosi delegadu sira.

Pakote B ne’ebe hetan apoiu asinatura hamutuk 328 ba sira nia kandidatura nia estrutura mak Prezidente Meja, Kay Rala Xanana Gusmao, Vice Prezidente Francisco Kalbuadi Lay, Vice II Dionisio Babo Soares, Vice III Vicente Guterres no Sekretaria Meja Terezinha Viegas, Vice  Sekretaria I Brigida Correia, Vice Sekretaria II Maria Fernanda lay.

Bazea ba lista neebe aprezenta, komisaun verifikasaun lakonsidera lista A tamba lapriense kriteira nune’e avansa ho lista B, nunee komisaun verifikasaun konsidera deit lista pakote B. Iha nia votasaun ho sistema dereta, delegadu sira fo votos afavor 975, kontra 7 no abstensaun 15.

 

Saturday, 29 April 2017 00:00

Arsenio Hili CNRT Ba Nia Partidu

DILI – Prezensa Direitor Forum Organizasaun Naun Govermentais Timor Leste (FONGTIL), Arsenio da Silva hatudu ona katak ativista ne’ebe uluk ativu ba kritika governu nia servisu ne’e, hili ona partidu CNRT ba nia partidu.

“Hau hetan ona nomeasaun hanesan komisaun verifikasaun, signifika partidu nia ema mak bele tama iha komisaun, tan nee hau nia pozisaun klaru ona iha CNRT,” dehan Arseino ba jornalista sira iha loron daruak Kongressu Nasional CNRT, Sabadu (29/04/2017), iha Sentru Konvensaun Dili.

Dezisaun Arsenio hili CNRT tamba hare’e ba lideransa Partidu CNRT, Kay Rala Xanana Gusmao neebe lori Timor Leste hetan ukun aan no oras nee negosia fronteira maritime hatudu ba Mundu hamutuk ho Xanana bele dezenvolve Timor ho diak.

 “Hau nia razaun deside aan hodi involve iha Partidu CNRT mak maun bo’ot Kay Rala Xanana Gusmao neebe hatudu ba mundu tomak ho lideransa ba fronteira maritima, no mos iha partidu,” dehan Arseino.

Nia hatete partidu hotu-hotu diak hodi dezenvolve nasaun, maibe presiza hare potensia partidu sira neebe bele lori idea  ba iha partidu laran tamba iha balun bele koalia diak maibe lalori ba iha politika.

Iha fatin hanesan, membru governu hosi Partidu Democratico (PD) ne’ebe asumi hela kargu nudar vise ministru agrikultura no peska, Marcos da Cruz nega katak nia laos parte hosi Partidu CNRT maski tama iha komisaun verifikasaun iha Kongressu Nasional Partidu CNRT nian.

“Hau mai nudar observador tuir konvite, hau la involve iha partidu tan la los tamba hau mai hanesan observador, hau observa kongresu nee lao diak, laiha problema,” dehan Marcos.

congresso Nacional de Reconstrução de Timor-Leste

 

Excelências

Distintos Convidados

Carissimos Delegados ao Congresso do Partido

 

Uluk nanain, no mós hodi Partido nia naran, ha’u hakarak hato’o ami-nia boas-vindas ba ilustres Personalidades husi Estado no husi Sociedade nebé, ho laran no isin kman, bele hakat mai iha cerimónia Abertura ba II Congresso Partido CNRT nian.  

Ita Boot sira nia prezensa iha cerimónia ida ne’e, fó signifikado boot no luan ba processo konsolidasaun democrasia tamba, iha rai nebé-nebé deit, la ós   processo fácil no lalais. Democracia, processu naruk ida, nebe husu ba actores politicos e não-politicos hotu-hotu atu kompromete-an hodi buka dalan nebé di’ak liu, ba Nasaun ida, atu processo né bele buras ho di’ak.

Democracia mos, iha rai barak, processo ida nebé, bain-bain hahú, hetan dificuldades no hasoru desafios oi-oin. Importante mak ne’e - actores políticos e não-políticos sira tenki buka oinsá hadi’a, oinsá corrige, oinsá lori sosiedade tomak bele muda mentalidade no komportamento, no oinsá hetan no simu hanoin foun. Ohin loron, bain-hira akompanha noticiário mundo nian, ita haré fenómeno ida nebé hanaran “revolução popular”, iha Rai sira iha norte da África, hanesan Tunísia, Egipto, Líbia no Marrocos, no iha rai sira iha Médio Oriente, hanesan Yémen, Bahrain, Arábia Saudita, Síria  no mos Jordánia.

Povos, husi Rai sira né, mak hamrik husu ka exige democracia, tamba lakohi tan ona moris iha regimes anti-democráticos nia ókos, regimes nebé la fo fatin ba liberdade expressão no viola direitos humanos fundamentais.

Ita haré mos ba África nia laran, iha Rai rua nebé hala’o ona eleições, maibé iha ida, Costa do Marfim, Presidente nebé lakon, lakohi tun e sira halo funu; iha ida seluk, Nigéria, depois de eleição, mosu fali deit violência no destruiçāo, tiru malu hodi oho malu nafatin.

Bain-hira ita haré ba acontecimentos hanesan né, kompara ho Timor Leste, ita hotu tenki hateten ho onestidade katak, ita nia democracia, biar foin mak hahú, maski ho fraquezas barak, la’o diak duni.

Nudar sinal positivo ida mós, iha cerimónia ida ne’e duni, cerimónia Partido ida nian, presença nebé distinta husi Personalidades políticas e nāo-politicas, nacionais e estrangeiras, hatudu dadauk ba mundu katak ita hotu, ho convicção, comunga valores de tolerância no mútuo respeito, iha sociedade timorense nia laran.

Partido CNRT hakru’uk ba Ita Boot sira hotu !

 

Senhoras no Senhores

Delegados Congresso nian

Iha fins de 2006 e princípios de 2007, Timoroan Rihun 6, Atus 2, Ruanulu resin 5 mak buka malu no, ikus mai, hamutuk assina declaraçāo, hodi hanoin ho hakarak atu harí Partido ida. Ema sira né, mak Fundadores ba Partido CNRT. Nudar Presidente do Partido, ha’u mos hakru’uk ba maluk Timoroan sira né.

CNRT hahú ohin, ninia II Congresso, tuir nia Estatuto nebé adopta iha I Congresso, iha dia 28 Abril 2007. Né katak, CNRT mosu no hamrik nudar Partido politico, tinan hat ona ka foin tinan hat. CNRT mosu atu buka participa, de forma activa, ba estabilidade nacional e atu contribui mós ba hametin valores democracia iha ita-nia Rai-laran.

Iha I Congresso CNRT, iha Abril 2007, Congressistas maka Timoroan sira nebé mai husi nebé-nebé deit, ho hanoin hanesan no hakarak hamutuk, atu contribui ho soluções ba problemas nacionais. Congresso liu tiha, mak foin CNRT hahú, ho neneik, hala’o estruturas ba nia an-rasik, nudar Partido politico, to’o Distritos, foin ba Sub-distritos, nuné mós ba sucos no aldeias sira. 

Nudar Partido foun, prosesu harí Estruturas sira né, la’o duni ho neneik tebes, maibé, loron ohin, bele dehan katak Estruturas de Base besik hotu ona. Iha loron ohin, 29 abril 2011, diferente ho I Congresso atu harí Partido, iha abril 2007, tamba Delegados Congresso nian bele contempla ona Representantes, nebé eleitos, husi sucos hotu-hotu. Ohin, iha Salão ida ne’e, ba II Congresso atu consolida-an, Partido halibur delegados 995, eleitos husi Timor Lorosa’e tomak.

Nudar Presidente do Partido, ha’u mos hakarak hato’o ha’u-nia boas-vindas ba Delegados sira hotu, hodi fo apreço boot tebe-tebes ba imi-nia serviço maka’as, atu haburas no habelar Visão no Objectivos CNRT nian, iha povo nia let.

 

Senhoras no Senhores

Delegados Congresso nian

Ita hotu hatene katak Congresso mak Órgāo máximo Partido ida nian, atu halo decisões nebé importantes ba Partido, ba Povo, tuir Partido nia haré, no liu-liu, ba Naçāo, nebé Partido tenki foti ás.

Atu boot ka kiik, atu dificil ka fácil, processos hotu-hotu desenvolve-an beibeik, katak la’o nafatin. Desenvolve-an ba di’ak  ka ba at, depende ba hahalok, nebé mosu no depende ba hanoin sira nebé hasai atu orienta.

 

Nuné, processo social no politico exige liu tan, atu buka analiza nafatin deit nia desenvolvimento, fula-fulan, tinan-tinan. Só nune’e mak ita bele hatene, ita la’o to’o iha nebé ona, ita halo sá-ida ona, obstáculos sá-ida mak mosu, fraquezas hira no iha nebé. Fraquezas bele mosu iha Instituisaun nia laran rasik, katak internas ka Partido nian. Obstáculos bele mosu husi kondisoens ka realidade nebé hale’u ita, katak husi factores externos ba Partido.

Tamba ne’e mak , tinan hat liu tiha, ita hasoru malu fali.

Né duni, Congresso Partido nian, nebé darua, mak oportunidade lós liu, atu Partido bele haré ba sá-ida deit mak tenki hadi’a, sá-ida deit mak tenki corrige no sá-ida deit mak tenki decide, atu bele hakbiit no hakboot nia an-rasik.

Ida - Iha Congresso ida né, Delegados sira sei debate kona-ba Estatuto, hodi hadi’a, karik precisa hadi’a. Iha assuntos barak nebé sei relevante atu haré, kona-ba Instituiçāo nia lala’ok rasik, kona-ba competências husi ninia Órgāos tomak no ida-idak nian, no mós kona-ba mecanismos oi-oin nebé karik precisa harii ho di’ak liu tan. 

Ita bele temi assuntos balun tuir mai né:

  1.  Período de Congresso. Iha I Congresso, ita decide katak, Congresso sei halo tinan hat dala ida. Maibé, haré tuir ita-nia Constituição da República, nebé fo mandato tinan lima ba Órgãos Estado nian, Congresso sei buka deside período ida nebé mak ita sei adopta, atu ajusta-an , karik bele, ho sistema nebé ita iha.
  2. Conferencia Nacional, Órgão ida nebé bele actua iha período entre Congresso rua. To’o ohin loron, mecanismo ida né seidauk aplica, tamba mós partido sei estrutura-an hela. Congresso sei define, matérias sá-ida deit mak só Conferência Nacional bele decide, hodi nune’e ita bele activa Órgão boot né, bain-hira precisa. Conferência Nacional mak tenki debate no hasai decisões importantes kona-ba Nasaun no kona-ba Povo, ho competências nebé Congresso mak bele fó.
  3. Congresso mos sei fó oportunidade, ba Delegados sira, atu debate ho klean no assume Partido nia princípio, nebé sei loke dalan ba pensamento crítico dentro do Partido ka iha Partido laran, hodi harii cultura de análise no debates, atu nuné hadi’a no haburas envolvimento hotu-hotu nian, iha tomada decisões. Ho ida né, mak bele reforça disiplina iha Partido rasik, nebé foti ás liu princípios no valores democracia nian, iha organizasaun nia laran.
  4. Congresso tenki hametin princípios no valores Partido nian, hodi nuné, bain-hira Delegados sira tun fali ba base, bele hatutan ba militantes sira, hodi conhece di’ak liu tan Partido nia Visão no Missão, no mós partido nia knar no responsabilidades. Princípio boot ida nebé Partido sei hakru’uk ba, nudar substancia ba democracia, mak voto directo no secreto, iha nia estruturas tomak.

Rua - Iha Congresso ida né mós, Delegados sira sei tetu hamutuk politica programatica Partido nian.

  1. Iha I Congresso, Partido buka responde, liu-liu ba realidade nebé Nação enfrenta iha 2007. Iha II Congresso ne’e, Partido tenki buka hatán ba realidade concreta iha 2011 nian, hodi halo análise politica, social no económica ohin loron nian. Realidade hotu-hotu desenvolve-an, tan ne’e, Partido iha obrigação atu haré ho klean ba processo socio-económico e político, iha conjuntura ida né.
  2. Iha I Congresso, iha Abril 2007, programas nebé partido hasai, tau ênfase ba solução problemas nebé afecta ita hotu, iha tempo nebá. Iha Congresso ida ne’e, Partido tenki buka apresenta programas nebé claros no coerentes, atu responde, tuir CNRT haré, ba necessidades Povo no Nasaun nian. Ita hotu sei la haluha katak, ita sei iha hela processo construção ita-nia Estado no ita-nia Nasaun, nebé sei nurak.
  3. Iha objectivo kaderizasaun partido nian duni, mak Congresso sei fo knar nebé diak, ba Klibur Intelectuais Partido nian, atu analisa no debate, ho regularidade nebé bele, asuntos hotu-hotu ita-nia joven Estado nian, hodi kaer metin Nasaun nia interesses. Congresso mos sei motiva Klibur Profesional Partido atu mós estuda oinsá hakbiit Recursos Humanos hodi , iha futuro, ita-nia Rain bele hetan timoroan nebé preparado, atu lori processo desenvolvimento ba oin ho konfiansa.
  4. Congresso mós sei aprecia Visão programática Partido nian, ba tinan hirak oin mai né, to’o fali III Congresso. Nune’e, Klibur Intelectual no Profesioanal Partido nian mak sei apresenta Visão né ba Delegados sira, iha Congresso ne’e, hodi hatudu katak Partido fo oportunidade ba Timoroan sira, liu-liu jerasaun foun atu estuda, atu analisa, atu compreende, realidade nebé Estado no Povo enfrenta, hodi buka mós loke perspectivas, ka hanoin, no planos nebé bele fo fatin ba solução ba problemas oi-oin, iha futuru badak.

Tolu - Iha Congresso ida ne’e mós, Delegados sira sei la sés-an husi contexto politico ita-nia Estado nian, nebé sei lori povo ba Eleições iha 2012.

  1. Congresso sei define ho clean Partido nia knar, iha contextu politico ita-nia Estado nian, nebé sei sai nudar mata-dalan ba hahalok, iha comunidade nia let. Iha Lei nebé regula Partidos politicos, ita hotu haré deit ba Direitos no la fo atensaun ba Deveres. Ne’e duni, Partido CNRT tenki fo relevância boot ba Deveres nebé estipula ka hakerek tiha ona, hodi nuné bele contribui diak liu tan ba consolidação democracia, iha ita-nia Rai Doben. Dever boot ida, mak atu eduka iha valores democráticos, katak, eduka povo ba kaer metin: tolerancia, respeito malu, compromisso ba não-violência, hodi kuda domin no dame.
  2. Congresso mós sei debate kona ba actividades nebé Partido sei hala’o, nudar preparasaun ba eleições, hodi buka mecanismo estatutário atu define no planeia didiak actividades sira né. Delegados sira sei iha oportunidade tomak, atu reflecte, iha Congresso né, kona ba sentido lolós ba Eleisoens, atu assume espírito democrático, nebe consciente duni, kona ba hala’o campanhas eleitorais, no atu kaer metin principios boot nebé hakribi intolerância política, ameaças, violência, provocações no acusações ba malu, sem sentido politico ka nara-naran.
  3. Ba buat sira né hotu, mak Congresso tenki prepara duni Delegados sira atu bele fo tutan no educa estruturas Partido nian tomak. Educação eleitoral tenki hahú husi ita-nia Partido rasik, educação cívica no democrática tenki hahú husi estruturas Partido nian. E hahú, agora kedas, iha Congresso ida né.
  4. Maibé, 2012 la ós tinan regular ba eleições deit. Iha tinan mai né, Nasaun jovem ida né celebra Tinan Sanulo kona ba Restauração Independência; iha tinan mai né, ita sei celebra Tinan Atus Ida ba Rebelião Manu Fahi, iha 1912, último rebelião, nebe boot, hasoru dominasaun Portuguesa; iha Tinan mai né mós, tinan ida diak tebes atu ita hanoin liu tan ba kotuk, katak, iha tinan 512, portugueses sira sama, pela primeira vez, rai Oé-Cusse. Tinan Atus Lima ona!

2012, Tinan especial tebe-tebes ba ita nia História. Eventos históricos tolu né maka, cria ka halo ita-nia Identidade histórica no cultural, nudar Povo ida ke bele hamrik, ho direito ba auto-determinasaun no independensia, iha arquipélago indonesio, ho ilhas rihun sanulu resin hitu, nia let.

Nuné, mak Partido CNRT tenki esforsa-an maka’as, ho meios hotu, atu contribui ba tinan 2012, nebé especial né, hodi halo morin liu tan Povo nia naran no hasa’e ba ás Nasaun nia dignidade.

Hanesan uluk, iha funu laran, maski kiik no fraku, hatudu katak bele no hatudu duni ba mundu tomak. Hodi simu sacrifícios oi-oin, Timoroan rihun atus rua nebé mate, ita la husu “no fly zone” hanesan oras né akontese iha Líbia, ho funu ida ke ita la hatene bain-hira mak hotu, enkuanto iha Síria, Bahrain, no Iémen, comunidade internacional hanesan la preocupa ho vidas humanas, nebé monu nabanaban.

Hanesan uluk, ohin loron, CNRT iha obrigação boot atu contribui hodi foti Povo ida né nia naran, hodi mundu bele compreende katak Estado frágil oan ida né, hatene sa-ida mak povo hakarak.

Excelências

Convidados sira tomak

Senhoras no Senhores

Buat sira ne’e hotu mak Linhas Gerais nebé orienta Partido CNRT hodi hala’o ninia Congresso, nebé Darua.

Nudar Partido foin tinan hat, análise permanente kona-ba crescimento Partido nian halai ba atu assegura firmeza de princípios no kompreensaun correcta kona ba dificuldades nebé Partido enfrenta,  hodi ajuda atu reduz fraquezas de organização no atu bele hetan conhecimento objectivo kona-ba realidade conjuntural, no né hotu mak bele lori ba reforso de medidas apropriadas no acções concretas.

Ita, Partido CNRT, hasai compromisso kona-ba questões hirak ne’e:

- Atu continua ho reformas iha Institusoens no sociedade tomak, nudar base nebé metin ba construção Estado nian;

- Atu continua ajuda hadi’a sector Justiça, hodi bele assegura katak ema hotu iha duni lei nia ókos;

- Atu insentiva nafatin Instituisoens tomak, hodi partisipa iha processo hametin boa governasaun;

- Atu hadi’a legislasaun oi-oin, hodi hatúr ordem jurídica ida ba realidade concreta no específica Timor Leste nian, hodi evita padrões husi liur, nebé barak mak la hatán ba período construção Nasaun foun né;

- Atu hadi’a no hametin conceito kona-ba  soberania, hodi povo tomak bele entende didi’ak no bele  defende soberania né, ho sentimento nebé lós no hahalok  nebé consistente;

- Atu harí espírito ba nacionalismo foun, iha sociedade nia laran, hodi halakon tendência ba reclama deit mak direitos no haluha katak sidadaun ida-idak iha mós deveres atu hala’o;

- Atu reduz disparidades sociais iha ita-nia Nasaun, liu husi actos de justiça social;

- Atu motiva gerasaun foun, iha Partido laran ka liur, hodi toma consciencia katak bain-hira sira fahe malu, sira sei fraku, i sei la halo buat ida di’ak ba ita-nia Rain, maibé bain-hira sira hamutuk, sira-nia hanoin sei luan, sira-nia hahalok sei boot no sira-nia hakat sei firme, hodi harí confiansa iha povo-nia let kona ba nia futuro;

- Atu assegura, ho parceiros sociais hotu-hotu, estabilidade política no social iha Timor-Leste, nudar pilar importante tebes ida, ba desenvolvimento nacional.

Atu remata, em nome pessoal no em nome dos Delegados, participantes iha ami-nia Congresso ne’e, ha’u hato’o ami-nia respeito, ami-nia domin no ami-nia agradecimento wain tebes ba Distintos Convidados no ba Observadores tomak.

Ita Boot sira-nia presença, ami sei kaer nudar inspiração diak tebes ida, ba ami-nia debates no ba ami-nia hahalok, ikus mai, nudar membros conscientes Partido Politico ida nian.

Obrigado barak ba Ita Boot sira hotu nia atensaun!

Kay Rala Xanana Gusmao

     Presidente do Partido

CCD – DILI, Prezidente Partidu Demokratiku (PD), Mariano Asanami Sabino hein kongresu nasional partidu CNRT ba dala tolu bele hamosu rezultadu diak, tamba Timor-Leste presiza konstrui partidu hodi hametin nasaun.

Iha prosesu konstrusaun estadu, Timor-Leste presiza prezensa partidu politiku ne’ebe metin no forte.

“Partidu Demokratiku ami sempre koopera no apresia partidu hotu-hotu atu nunee ita moris iha multi partidaria, ita hein kongresu neebe lao ho diak no hatudu rezultadu neebe diak,” dehan Asanami ba Jornalista sira, Sesta (28/04/2017) iha Sentru Konvensaun Dili.

PD hare’e pozitivu teb-tebes kona ba planu Partidu CNRT ne’ebe atu kria departementu investigasaun partidu nian, tamba ne’e PD mos kria ona nia Ekipa Investigasaun atu nunee bele fokus hodi kontrui nasaun no dezenvolvie ho diak.

Iha fatin hanesan, Prezidenti Partidu Frente Mudansa (FM), Jose Luis Guterres felisita partidu CNRT neebe realiaza nia kongressu nasional ba datoluk.

 “ Ita hare iha sesaun abertura kapas teb-tebes, sira introdus arte no kultura, aprezentasaun neebe sira halo ho kualidade internasional,” dehan Lugu.

Nia parte fo parabens ba partidu CNRT tamba iha muzika ho dansa neebe kapas teb-tebes hodi hatudu partidu fo inportansia ba iha kultura neebe mak dezenvolvimentu umanu husi fatin hotu.

CCD – DILI, Kongresu Nasional Partidu CNRT ba datoluk neebe halao iha Sentru Konvesaun Dili, Prezidente Partidu Kay Rala Xanana Gusmao husu atu kria Departementu Investigasaun ba internasl partidu.

Tuir Prezidente Partidu Xanana Gusmao Katak kongresu Partidu ba dala tolu atu konsolida Partidu hodi servi povu ho diak,  kaer metin simpatizante no aumente kapasidade partidu nian hodi intende didiak asuntu iha rai laran no koalia kona ba kapasidade partidu  atu formula, analiza no trasa balun neebe los ba iha dezenvolvimentu sosiu ekonomiku husi planiamentu neebe integradu.

 “ Kongresu ida nee tenki kria iha partidu laran departementu investigasaun hanesan politika institusaun estadu, seguransa no relasaun internasionais, ikus liu mak ekonomia no finansas,” dehan Xanana Gusmao iha nia deskursu.

Departementu politika no institusaun estadu nia knar, esplika Xanana mak atu halo analiza neebe  kuidadu tebes ba politika iha rai laran no mos atensaun espesial institusaun estadu nian.

“Departementu seguransa no relasaun internasionais nia misaun mak halo estuda profunda seitor defeza no seguransa tamba area hirak nee sai sesivu tebes ba soberania estadu nian. Departamentu ekonomia no finansas nia funsaun tuir Xanana katak atu halo estudu parlamanente no profundu kona ba ekonomia iha rai laran ninia potensial ba investimentu publiku no privadu neebe iha kbit hodi hatama reseita ba estadu,” nia dehan.

Nia hatete partidu iha obrigasaun atu hatoo uluk liu informasaun ba povu ho onestidade kona ba lia loos no faktu neebe mosu no mos nunka bele manepula povu nia sentimenu no mos promote kompleksu ho sulusaun.

“ Partidu tenki hatene rona povu nia hanoin, aprende no koinese didiak elementu sosiais no kulturais neebe iha hela ita nia povu nia leet hodi hatene populusaun sira nia aspirasaun,” dehan Xanana.

CCD – DILI, Partidu Congresso Nasional Recontruçao Timor-Leste (CNRT), Sexta (28/04/2017), realiza nia kongressu nasional ba dala tolu iha Centro Convencao de Dili (CCD).

Kongressu Nasional CNRT nian ne’e tuir orariu sei lao durante loron hat to’o Segunda (1/5/2017).

Abertura Kongressu Nasional CNRT hetan partisipasaun hosi Prezidenti Republika eleitu, Francisco Guterres “Lu-Olo” ne’ebe iha nia kandidatura hetan apoiu hosi Partidu CNRT hodi manan kedan iha primeira ronde ho porsentu 57.

Page 4 of 18

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639