Manatutu: Prezidente Partidu Kongresu Nasional Rekonstrusaun Timor- Leste (P-CNRT), Kay Rala Xanana Gusmão hateten katak Timor Leste nia volante iha Partidu CNRT nia liman.

Prezidente Partidu CNRT, Kay Rala Xanana Gusmão iha ninia diskursu hateten Katak CNRT deit mak bele halo mudansa ba rai ida ne’e tanba Timor nia volante iha CNRT nia liman.

“Foin dadauk, ita nia Ministru Petróleu no Rekursu Natural (MPRN), Alfredo Pires ba ko’alia Ministru Mina CPLP sira nian, nomós ba hasoru ho Prezidente Repúblika Portugal ninia, Prezidente Portugal fó ninia admirasaun bo’ot teb-tebes, tanba ita nia Partidu iha governu sai primeiru partidu ne’ebé kaer ukun , Partidu Opozisaun sai Segundu Partidu kedas, sira seluk hanesan ne’e , ita bele dehan mai tabele-tabele ho ita deit, maske nune’e ita aprova tiha ona orsamentu jeral ne’e ho konsensu, sira admira teb-tebes,foin dadauk semana kotuk, sira fó parabéns ba Timor liu husi Ministru Petróleu, Alfredo Pires.

Maske Timor Leste foin mak ukun tinan sanulu resin tolu maibe fo ona lisaun ba rai barak no mundu tomak.

Tanba sa ita mahan tiha ho tan partidu sira tabele-tabele ne’e kaer tiha ukun fo fali ba opozisaun dehan katak o ba kaer ne’ebá, sira dehan imi ka matenek liu ka beik liu mak halo hanesan ne’e. “Maibe ha’u dehan beik ne’e ba imi, ami kala matenek demais liu imi. Lae ami hakarak prosesu konstruksaun nasaun no dezenvolvimentu nasaun ne’e , ami hakarak hotu-hotu partisipa. Ita tenke loke aan atu hotu-hotu bele partisipa, ne’e akontese deit iha Timor Leste la akontese iha mundu seluk. Ida ne’e akontese tanba CNRT mak halo, se karik CNRT laiha buat sira ne’e maka sei la akontese, ne’e prinsípiu CNRT nian deit.

Nu’udar Partidu, Timor Leste ne’e iha Partidu nia volante, Timor ohin loron iha CNRT nia volante, Ita nia Partidu la’os nia diak liu partidu sira seluk no la’os a’at liu, ita diferente ho partidu sira seluk.”

Dehan Kay Rala Xanana Gusmão iha Manatutu , Sábadu (04/07/15) , semana kotuk bainhira Partidu CNRT hala’o Konferénsia nível Munisipál iha Munisipiu Manatutu. .

 Eis Primeiru Ministru ne’e mos subliña katak CNRT moris iha 2017 atu rezolve krize ne’ebé mosu iha monentu ne’ebá nomos atu liberta povu husi tahu laran.

“Papel Partidu nian mak saida? Karik iha Primeira Legislatura laiha problema, buat hotu-hotu la’o diak, ita lalika mosu, maibe la’o tanba fallansu estadu nian iha Primeira Legislatura, ita haree lae, ita nu’udar sidadaun, ita labele tur hanesan ne’e, haree ba ema oho malu, sunu uma arbiru ne’e ladiak, ne’e mak ita mosu hodi rezolve problema.

Iha 2012, ita sai Primeiru Partidu, Povu hili ita tanba ita fó lima dolar, la’os ita ba kous sira ne’e la’e, maibe ita mak responde sira nian preokupasaun bo’ot loro-loron nian, agora ita iha esperansa la’o ba diak tanba ne’e mak iha 2007 ita 18 kadeira, 2012 ita sae kedan ba 30 kadeira.” Hateten Xanana.

Nia mos hatutan liu tan katak Partidu nu’udar organizasaun Politika ida tenke buka hatene povu nia mehi tanba Partidu nia devér mak Povu nia mehi.

” Ita nia moto mak” mehi hamutuk mehi povu nia mehi”, buka hatene povu nia mehi la’os dadersan tama sai povu nia uma atu husu ba povu sira dehan horikalan o mehi saida?, maibe ita buka hatene tanba saida mak povu sira lahetan ba bee mos, ahi laiha, povu sira nia oan la ba eskola, ne’emak povu nia mehi.

Ita nu’udar Partidu tenke haree, tenke kompriende tanba ita nia devér Povu nia mehi.

Bainhira ita hatene no kompriende tiha povu nia mehi, nu’udar Partidu atu servi interese povu nian mak ita tenke halo planu no programa hodi nune’e bele responde ba sira nia preokupasaun.

Partidu tenke akompaña povu nia mehi, tenke akompaña situasaun tomak ne’ebé la’o hela hodi aprezenta ninia planu ba povu, iha eleisaun povu sei hili tanba responde povu nia susar. Tanba ida ne’e ita lalika tauk dehan katak partidu rua nulu ka lima nulu atu mosu, silakan saja, ne’e liberdade , demokrasia no iha direitu, halo ba.

Kuandu ita dehan nune’e, la’os mai took ba mak ita haree lae, tanba ita hametin tiha ona husi Partidu Planu diak, iha vizaun diak ida atu fo ba povu’’ Dehan Xanana.

Eis Prezidente ne’e mos hatutan tan katak CNRT ne’e la’os Partidu Politiku ne’ebé mak situasionál deit , maibe Partidu ne’e mak iha Planu no programa ne’ebé mak diak atu responde ba povu nia preokupasaun.

“ Ohin ha’u rona katak Sekretáriu jerál ko’alia ho imi, ema balun mos ko’alia ho imi dehan hanesan ne’e CNRT ne’e sitausional deit. Nia rezolve tiha problema depois bele taka, CNRT labele taka tanba ita la’os diak liu partidu sira seluk maibe tanba deit ita mak iha planu atu responde ohin, aban no tinan rua nulu ka tolu mai, CNRT deit mak iha planu ida ne’e. Imi tenke konsolida Partidu hodi hadi’a povu nia moris.

Tanba ita CNRT mesak mak iha hanoin ohin, aban, fulan oin, tinan ida, tinan rua, tinan tolu nulo mai ne’e ita mak aprezenta, ita la’os “mensombongkan diri”, bainhira ita servi ne’e, servi duni. ” subliña Xanana.

Planu Estratéjiku Dezenvolvimentu Nasionál (PEDN) tinan 20 nian ne’e CNRT mak fó sai, ita dehan ba povu katak dalan ida ne’e mak sei hadi’a povu nia moris. haktuir Nia.

Ikus liu, Prezdente Partidu ne’e husu ba kuadru politiku Partidu CNRT nian atu bele haka’as aan hahú husi Prezidente Partidu to’o iha NuRep no SelKom sira, Prezidente mos promote atu tun ba baze hodi hametin liu tan estrutura Partidu iha nível kraik hodi nune’e to’o iha eleisaun 2017 bele kaer ukun mesak. (Manuel Ximenes)

Last modified on Wednesday, 29 July 2015
  • 0 comment
  • Read 3050 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP