Teda: Partidu Kongresu Nasional Rekonstrusaun Timor Leste (P-CNRT), hala’o reajustamentu iha Suku Beko, Aldeia Teda, Tobur, Gala, Viber, ho objetivu hametin estrutura Partidu nian iha Baze.

 

Antes atu tama ba eleisaun jeral 2017 Partidu CNRT iha tinan ida ne’e hala’o reajustamentu no konsolidasaun iha teritóriu Timor laran tomak husi suku ba suku, husi aldeia ba aldeia, no husi uma ba uma, ho konsolida ninia militante no apoinste sira iha baze atu nune’e bele manan maiória.

Iha Sábadu semana kotuk Partidu CNRT hala’o reajustamentu no konsolidasaun iha Suku Beku, aldeia ha’at ne’ebé mak pertense ba Suku refere maka hanesan, Aldei, Teda, Tobur, Gala, no Viber.

Iha Reajustamentu ne’e Konsellu Polítika Nasional (CPN), Reprezenta husi III Vise Sekretáriu Jeral P-CNRT hanesan Sekretáriu Ezekutivu Partidu CNRT ne’ebé mak Prezidente Partidu delega atu hein Partidu, Jacinto Rigoberto De Deus Gomes hodi loke abertura ba reajustamentu ne’e.

III Vise Sekretáriu Jeral P-CNRT /Sekretáriu Ezekutivu Partidu CNRT, Jacinto Rigoberto De Deus Gomes iha ninia diskursu husu ba estrutura Partidu CNRT nian iha baze atu servisu maka’as liu tan hodi nune’e iha eleisaun 2017 CNRT bele ukun mesak.

“Estrutua Partidu nia iha Aldeia Teda, Tobur, Gala, tenke servisu maka’as no kordena malu nafatin atu nune’e iha eleisaun jeral 2007 ita bele hetan kadeira 35 ba leten hodi nune’e it abele kaer ukun mesak.

Tanba Munisípiu Covalima hatudu ona katak iha eleisaun jeral 2007 no 2012 ita maka manan”.

Dehan III Vise Sekretáriu Jeral P-CNRT /Sekretáriu Ezekutivu Partidu CNRT, Jacinto Rigoberto De Deus Gomes iha Aldeia Teda Sábadu (27/06/15)

III Vise Sekretáriu Jeral P-CNRT ne’e mos hatutan katak Maun Bo’ot Kay Rala Xanana Gusmão nia hakarak ne’e CNRT ne’e tenke bo’ot liu tan.

“Maun Bo’ot Kay Rala Xanana Gusmão harii CNRT, hanesan mos Nia Harii Nasaun Timor Leste ne’e, katak Nia harii Nasaun ida ne’e lakohi rahun no tenke bo’ot ba nafatin, nune’e mos CNRT Nia hakarak CNRT tenke forti no bo’ot ba nafatin . Bainhira CNRT tun mai baze la’os mai ho ibun mamuk maibe mai ho Programa ne’ebé mak aprova tiha ona iha Parlamentu Nasional maka PEDN”.

Objektivu importante iha Partidu CNRT bainhira sai hanesan Partidu politiku ne’ebe hamrik iha 2007 mak atu garante paz no estabilidade,maibe ba agora konforme fila fali ba delegadu sira ida-idak,tamba depois de Partidu ida ne’ebe hamrik tiha Timor Leste to’o agora kontinua moris iha paz no estabilidade idade nia laran. Dehan Jacinto

Eis Vise Ministro Solidaridade Sosial ne’e hatete katak Partidu CNRT moris ho bandeira kor matak no kor ho modok bandeira Falintil nian ho objektivu katak liberrta a Patria e Liberta o Povu, agora ita liberta tiha ona Patria maibe ita nia povu seidauk liberta ne’e mak P-CNRT moris iha 2007.

Iha fatin hanesan Koordenador Interenu Munisípiu Covalima, Santiago Bareto hateten katak ita hotu tenke hamutuk ho Maun Bo’ot Kay Rala Xanana Gusmãoliu husi Partidu CNRT.

“Agora tempu ona atu ita rona Maun Bo’ot Kay Rala Xanana Gusmão tanba ita nia tusan ne’e iha Nia, tanba Maun Bo’ot promete fó ita mak dehan aban bain rua ita ukun imi sei hetan Estrada diak, ahi sei lakan, nomos sei asesu be’e mos, ita tenke ejiji nafatin liu husi Partidu CNRT, ne’emak iha eleisaun jeral 2017 ita hotu tenke fó votus ba CNRT” dehan Santiago.

Nune’e mos Koordenador Partidu CNRT Postu Administrativu Sui Vila, Germano do Nacimentu hateten katak Nia sei hamutuk tomak iha Postu Administrativu Suia Vila atu lori Programa Partidu CNRT nia ba militante no opiante sira tomak iha Suia Vila. Dehan Germano.

Last modified on Wednesday, 15 July 2015
  • 0 comment
  • Read 1641 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP