Viqueque: Partidu Kongresu Nasional Rekonstrusaun Timor Leste (P-CNRT) kontinua hala’o konferénsia iha Munisípiu Viqueque.

Koferénsia munisipál ne’e realiza iha Loron Sábadu 25, Fulan Jullu, Tinan 2015, ho ninia objetivu hodi hili Estrutura Partidu CNRT iha Munisípiu Viqueque Futibol ba periódu 2015-2020. Delegadu sira ne’ebé marka prezensa iha konferénsia ne’e mai husi reprezentante husi Postu Administrativu lima (5) mak hanesan; Postu Administrativu Viqueque Vila, Postu Administrativu Lakluta, Postu Administrativu Ossú, Postu Administrativu Uatulari no Postu Administrativu Uato-Carbau.

Total delegadu husi postu Administrativu 5 no estrutura Partidu CNRT Munisipiu Viqueque, hamutuk 335 delegadu.

Konferénsia Partidu CNRT Munisípiu Viqueque nian ba datolu ne’e loke husi V Vise Prezidente Partidu CNRT , Komp. Januário Perreira ne’ebé reprezenta Prezidente Partidu CNRT nian.

Iha Abertura, V Vise Prezidente Partidu CNRT hateten katak Partidu CNRT ninia ideolojia mak oinsá atu hala’o dezenvolvimentu ba rai ida ne’e.

Papél partidu polítiku atu fo solusaun ba governasaun ba rai ida ne’e no prepara lideransa alternativa.

“Kuandu CNRT hahú organiza a’an hanesan Partidu, fou-foun hanoin katak partidu ne’e situasionál deit, maibe realidade hatudu katak povu fo konfiansa másima ba destinu rai ida ne’e ba partidu ida ne’e liu husi eleisaun dala rua (2) tuir malu.

Líder nasionál, Maun Boot, Kay Rala Xanana Gusmão mak inspiradór ba partidu ida ne’e no nia doutrina sei inspira nafatin militante sira atu kontinua luta ba Bem Estar do Povo iha rai ida ne’e.Partidu CNRT nia prinsípiu báziku maka tau interese nasionál aas liu interese individu ka interese grupu.

Razaun bázika partidu mais votadu CNRT bolu tan Fretilin forma governu ba tinan rua (2) ikus antes remata governasaun maka atu haree ba Paz no Estabilidade”. Dehan Januário iha Sábadu (25/07/15), iha Kampu Futibol Beloi.

 

Iha Konferénsia Munisípiu Viqueque ne’e, konfresisita sira hamosu lista kandidatura ba estrutura foun hamutuk lista 3 maka konkore hodi hakat ba votasaun, no lista   (A, B, no C).

Husi Lista A, B no C tuir rejimentu, hodi hakat ba votasaun eskrutinu sekretu no ikus mai pakote C maka sai vensedór iha eleisaun ne’e ho rezultadu votasaun pakote C: 168 votus, pakote A :75 votus, pakote B: 78, Nulu : 14, Branco : 0 Total eleit’or hamutuk 335 maka fó sira nia votus.

Estrutura Pakote mak hanesan tuir mai ne’e Koordenadór Komp. Anacleto Freitas, I Vise- Koordenadór Komp. Abilio Lima, II Vise- Koordenadór Komp. Adroaldo da Costa Soares, Sekretáriu Komp. Manuel Pinto, I Vise-Sekretáriu Komp. Ali Brazil, II Vise-Sekretáriu kompª Luciana da Cruz, Reprezentante Veteranu, Komp. José da Silva (Rade Queo), Reprezentante KP Komp. Leopoldo da Costa Alves, Reprezentante OMP Kompª Marcelina da Câmara, Reprezentante OJP Komp. Grizildo Soares, Reprezentante Ansiaun Komp. Jeferino Piedade.

Ikus mai Estrutura foun ba períodu 2015 até 2020 ne’e fó pose husi Reprezenta Konsellu Politika Nasionál (CPN) maka V Vise Prezidente Partidu CNRT, Januário Perreira.

Hafoin simu pose Koordinadór Munisípiu Viqueque, Anacleto Freitas hateten katak sei hala’o reajustamentu estrutura husi Postu Administrativu, Nurep, to’o Selkom iha Rejiaun Oe-Cuse.

Nomos sei estabelese estrutura Partidu nian iha fatin ne’ebé mak durante ne’e seidauk harii estrutura Partidu nian.

Nia mos informa liu tan katak odamatan Partidu CNRT nian nakloke ba partidu hotu-hotu bele afilia mai.

Nune’e mos Koordinadór eleitu husu ba estrutura tomak Partidu CNRT nian iha Munisípiu Viqueque tomak atu servisu hamutuk hodi nune’e iha eleisaun jerál 2017 CNRT bele manan maioria iha Viqueque.

 

 

 

 

Last modified on Sunday, 16 August 2015
  • 0 comment
  • Read 1711 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP