Viqueque, Média Libertasaun Povu-Iha loron Sábadu,29-08-2015, ekipa peskiza husi Komisaun Nasionál ba Análize no Peskiza husi organizasaun KP Nasionál partidu CNRT nian, hala’o Peskiza daruak iha Munisípiu Viqueque.”loron Sábadu,29/08, iha Sede Partidu CNRT , iha Postu Administrativu Viqueque Munisípiu Viqueque”.

 

Ekipa Peskiza husi Klibur Profisionál partidu CNRT, ne’ebé iha Komisaun Nasionál ba Análize no Peskiza (KNAP), sei ba estrutura Partidu CNRT nian iha Munisípiu Sanulu-Resin Rua no Rejiaun Espesiál Oe-Cusse Ambeno, Postu Administrativu hamutuk 65, nomós Nurep, Selkom sira ne’ebé deskrita iha Repúblika Demokrátika Timor Leste.

Iha enkontru ne’e, Koordinadora Rejiaun I ba Peskiza no Análize, Flávia Martins informa katak, kona ba lala’ok peskiza ne’e ita sei hala’o atividade rua, atividade dahuluk ita sei halo diskusaun atu responde ba kestaun 4 ne’ebé  KNAP prepara ona iha ajenda enkontru ne’e.

Iha diskusaun kona ba kestaun 4 ne’e sei fahe ba grupu 4 atu responde , no iha diskusaun nian laran kada grupu sei propoin ninia ema ba halo aprezentasaun iha oin kona ba rezultadu diskusaun grupu nian.

Koordinadora Rejiaun I ba Peskiza nian, Flávia Martins husu ba Kompañeiru/a sira ne’ebé ohin loron halo esforsu an mai hamutuk iha ne’e bele fo informasaun real,  ne’ebé maka ita boot sira hasoru iha eleisaun 2012, iha ita boot sira partisipasaun liliu iha partidu CNRT nian laran. Depois diskusaun ne’e hotu, tama ba atividade daruak nian, ami sei halo entrevista individuál ho pergunta sira ne’ebé deskreve ona iha kestionáriu.

Koordinadora Rejiaun I ba Peskiza nian hatete ba Koordinadór Munisípiu,Postu Administrativu, NuRep no Selkom katak tuir lolos imi hatene tiha ona ninia lala’ok durante iha Eleisaun Parlamentár 2012 nia to’o mai agora, nomós ba reprezentante Selkom no Nurep sira atu hato’o ba   ami nu’udar peskizadór/a hodi hatene karik iha Nurep sira ne’e balu iha susesu no balu laiha susesu, entaun, ida ne’e ami aproveita hodi hatene ninia vantazen no desvantazen.

“Ami husi ekipa Peskizadora husu kompaiñeru/a sira nia kolaborasaun, ita hotu iha ne’e atu bele kontribui ba malu ba peskiza ne’e, sei ikus liu, ami sei halo análize ida hodi sai obra  ba konferénsia 2016 nian. Ne’ebé ami mai servisu Partidu CNRT nian, Maun Boot Xanana nian, ho objetivu atu hatene sá obstáklu no dezafiu maka impede no kompete iha ita nia Eleisaun Parlamentár 2012, hodi la atinje ita nian objetivu 45+”.

Koordinadór Partidu CNRT Munisípiu Viqueque, Anacleto loke abertura ba atividade Peskiza ne’e , hodi hatete katak, ami estrutura Munisípiu prontu ona, nomós koordinadór husi Postu administrativu sira , Selkom no Nurep sira ne’ebé mai to’o ona iha fatin no balu sei iha dalan tanba distánsia, maibe sira esforsu ona atu to’o mai iha fatin ne’e.

Ne’ebé iha atividade kona ba Peskiza ne’e, ami prontu atu hala’o no kontribui hamutuk ho ita boot sira ekipa Peskiza husi KP nasionál mai, atu hala’o atividade peskiza nian, atu buka hatene vantazen no desvantazen nomós hodi ba halo Análize, atu nune’e bele iha preparasaun ba Eleisaun Parlamentár 2017 oin mai.

 

Last modified on Wednesday, 02 September 2015
  • 0 comment
  • Read 1692 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP