Manatutu- Ekipa peskiza ba rejiaun 1 hala’o atividade peskiza iha loron 12, fulan Setembru, tinan 2015, iha Postu Administrativu Manatutu vila, Munisipu Manatutu.

Entrevistadu/a husi munisípiu Manatutu kompostu husi 26 no aumenta tan ida hamutuk 27. Atividade peskiza iha Manatutu vila la’o diak no tuir tempu no oras ne’ebé determina iha ajenda servisu nian.

Koordenadora ba rejiaun 1, Flávia Martins hatete katak sira nian presensa iha Manatutu hanesan peskizador/a husi KP-nasionál, ne’ebé estrutura KP nasionál harii tan komisaun tolu. Komisaun ida maka komisaun nasionál ba peskiza no análize (KNAP) . Koordenadora ba rejiaun 1 mos fó sai objetivu peskiza ne’e ba entrevistadu sira antes hala’o entrevista. Nia hatete katak ekipa peskiza ne’e ninia presenza hanesan peskizadór/a husi KP –CNRT, la’os membru CPN ka CDN atu responde entrevistadu sira nian pergunta ka kestaun, maibe pergunta ka kestaun sira ne’e hanesan dadus ba peskizador/a sira. Nia hateten tan katak sira laiha knar atu responde kestaun sira ne’ebé entrevistadu/a sira kestiona tanba sira laiha kompeténsia atu fó resposta. Sira nian kompeténsia maka rekolla dadus konaba eleisaun parlamentár 2012 nian ,hodi ba halo análize no ikus mai atu sai obra ida ba kongresu nasionál P-CNRT iha 2016.

Iha peskiza ne’e, koordinadór Munsípiu Manatutu, Marcos da Cunha fó sujestaun ba ekipa peskiza atu hato’o kestaun sira ne’e ba iha CPN li-liu ba Prezidente P-CNRT , atu nune’e bele hadian diak liu tan konaba jestaun kampaña iha 2017. Bainhira hadian kestaun sira ne’e maka eleisaun 2017 , P-CNRT sei atinje ninia mehi 45+, no bele ukun mesak. Koordinadór subliña katak nasionál tenke fó fiar ba estrutura Munisípiu, PA no NuRep sira, keta fó fiar fali ba ema seluk ne’ebé mai aproveita tempu ikus deit.

Iha grupu diskusaun, sira aprezenta kestaun barak konaba laiha koordenasaun entre nasionál to’o iha Munisípiu, PA sira, tanba ne’e iha fallansu iha Munisípiu balu no iha NuRep balu. Orsamentu kampaña laiha transparénsia tanba sira la hatene ba ne’ebé. Tan ne’e sira sujere atu oin mai tenke hadi’a mekanismu ne’e ho diak atu bele povu fó fiar mai ita hotu. Keta to’o tempu besik kampaña maka ba hamutuk iha koordinadór Munisípiu nian fatin.

Ikus liu koordinadora rejiaun 1 , Flávia Martins taka ho liafuan obrigada ba entrevistadu/a sira iha Munisípiu Manatutu, tanba Postu Administrativu tolu mai husi dok maibe sira mai tuir atividade ne’e. Koordinadór P-CNRT Munisípiu Manatutu mós fó agradesimentu ba ekipa peskiza ne’ebé halo peskiza hamutuk ho sira, tanba atividade ne’e primeira vez, maka realiza husi P-CNRT nian.

 

Last modified on Tuesday, 15 September 2015
  • 0 comment
  • Read 3038 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP