Dili : Liu husi Konferénsia datoluk Organizasaun Juventude Partidu Kongresu Nasional Rekonstrusaun Timor Leste (OJP-CNRT) maioria kongresista sira hili José Vigilio “Ajio” sai Prezidente OJP-CNRT ba periodu tinan 2015-2019 hodi troka José Telo.

 

Konferénsia Nasional ho tema “Juventude Forte ita sei manan, Fiar An La’o Ba Oin, Mehi Hamutuk Mehi Povu Nia Mehi” ne’e hala’o iha Salaun Komisaun Nasional Elisaun (CNE) Kolmera, Domingu (4/10/2015).

Tuir Prezidente OJP-CNRT Eleitu, José Virgilio depois eleitu no simu pose ba Prezidente OJP-CNRT hateten ba jornalista sira iha Domingu (04/10) katak nia iha hanoin hodi kontinua lori Partidu CNRT ba oin hamutuk ho militante no simpatizante CNRT tomak.

“Hau sei lori Organizasaun Juventude ida ne’e hodi hare liu ba oin, tanba ne’e hau sei tur hamutuk ho estrutura OJP-CNRT atu halo planu ida ne’ebé mak diak atu nune’e bele lori CNRT manan iha eleisaun hotu ne’ebé mak tuir mai ne’e” José hateten

Prezidente Eleitu ne’e hatutan tan, iha eleisaun hanesan lideransa OJP-CNRT optimista CNRT sei manan iha Elisaun parlamentar no nomos eleisaun suku.

Iha fatin hanesan Prezidente Sesante OJP-CNRT, José Telo, mos hateten katak, maske la’os ona sai hanesan Prezidente OJP-CNRT, maibe nia prontu atu kontinua servisu hamutuk ho Prezidente OJP-CNRT foun iha kualker servisu Partidu nian atu nune’e bele lori OJP-CNRT sai forte liu tan iha future.

“Hau promete katak, hau sei nafatin fó apoiu ba estrutura foun OJP-CNRT nian iha kualker tempu, bainhira ita bo’ot sira presiza hau no hau mos apresia tebes suporta ne’ebé mak fo mai hau durante ne’e tantu husi CPN, KP-CNRT, no OJP rasik no ba oin husu ita hotu atu kontinua haforte ita nia Partidu atu nune’e bele manan iha eleisaun jeral 2017,”Telo dehan

Nune’e mos Sekretáriu Jeral Partidu CNRT, Dr. Dionisio Babo hato’o parabens ba estrutura foun no husu atu servisu didiak hodi dezenvolve Partidu.

“Momentu ida ne’e importante teb-tebes iha estatutu Partidu nian OJP-CNRT hanesan mos Organizasaun Muller Partidu liu husi Organizasaun Juventude atu projeita forsa real Partidu nin hodi mobilize masa atu nune’e bele manan iha eleisaun jeral 2017”

Entertantu hafoin eleitu, estrutura foun OJP-CNRT ofisialmente simu fose husi Sekjer Babo.

Partisipa iha konferensia ne’e konfresista sira hamutuk 236, kompostu mai husi munisipiu 12, inklui rejiaun especial Oe-cuse nomos nasional rasik.

Last modified on Tuesday, 06 October 2015
  • 0 comment
  • Read 1655 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP