Dili: Prezidente Partidu Kongresu Nasional Rekonstrusaun Timor Leste (CNRT), Kay Rala Xanana iha ninia diskursu hateten katak Partidu CNRT sei lataka kuandu povu seidauk moris diak.

 

Prezidente Partidu CNRT hato’o lia hirak ne’e bainhira loke Konferénsia iha Munisípiu, Postu Administrativu Gleno Loron Sabdu (10/10/15).

“Ema balun dehan CNRT atu taka, ema balun dehan hau atu mundur, CNRT uluk halibur ema hotu-hotu, lahre ba partidu, lahree nia ba nia latarbelakang halo saida hodi hametin unidade nasional nune’e Timor hamutuk konsege ukun aan.

CNRT labele taka tanba ita seidauk liberta ita nia povu husi kiak no mukit, no CNRT mak hatudu dalan ba dezenvolvimentu ba rai ida ne’e.” dehan Prezidente Partidu CNRT ne’e

Eis Prezidente ne’e mos rejeita total imforsaun ne’ebé mak espalla iha públiku katak Nia ba tama fali Partidu Fretilin ne’e lalos tanba momentu Nia ba ne’e ba Vizita Fretilin.

“Foin dadauk hau selebrasaun Partidu Fretilin ninia ema hotu dehan haree took nia atu fila ba nia luhan, ita kuandu iha konfiksaun. Konfiksaun katak saida mak ita hakarak?, saida mk ita hanoin ? ida ne’e ba ita los, kofiksaun. Ita la ragu-ragu, ba tiha ne’ebá fila fali mai. Neman hau nia almamate Fretilin ne’e los, hau la nega, hau ba vizita Fretilin laos ba tama Fretilin” dehan Xanana

Kuando CNRT hahú organiza a’an hanesan Partidu, fou-foun hanoin katak partidu ne’e situasional deit, maibe realidade hatudu katak povu fo konfiansa máximu destinu rai ida ne’e ba partidu ida ne’e liu husi eleisaun dala rua (2) tuir malu.

Partidu CNRT sei kontinua no eziste nafatin to’o atinje moris di’ak ba povu. Xanana Sublina

Prezidente Partidu ne’e mos enkoraja ba estrutura Partidu Nian husi anivel nasional to’o NuRep sira atu servisu maka’as liu tan hodi bele manan maiória iha eleisaun 2017.

“Partidu tenke konsilida aan, iha prosesu demokrásia so Partidu mak bele aprezenta ba no hadia rai ida ne’e no povu nia moris, nune’e hodi ita tenke servisu maka’as liu tan atu bele ukun mesak iha 2017” Xanana Enkoraja

Eis Gerileiru ne’e mos imforma liu tan katak Partidu barak sei mosu maibe Partidu idak-idak sei aprezenta ninia programa ba povu depois iha eleisaun mak povu sei julga.

“Iha ita nia laran dehan povu mak sei presiza CNRT, Partidu barak mak sei mosu “silakan” lei lataka dalan, So CNRT nia interese mak bele depende soberania ida ne’e, CNRT sei lahakiduk ba difikuldade no dezafiu ne’ebé mak ita hasoru, So ita mak bele” Xanana Imforma

Nian mos husu ba Estrutura Partidu CNRT nia tomak tenke preparadu hodi funu hasoru ema sira ne’ebé mak agora dadaun invade hela ita nia riku soin iha tasi laran.

“Ita tenke preparadu luta defende ita nia soberania, tanba agora dadaun ne’e ita ukun iha rai maran deit maibe iha tasi laran ema seluk mak sei ukun ita nia riku soin, tanba Partidu Nia prinsípiu báziku maka tau interese nasionál aas liu interese individu ka interese grupu.” Dehan Xanana

Iha tempu hanesan Koordena Partidu CNRT Rejiaun IV, Virgilio Smith iha ninia diskursu hateten katak iha eleisaun 2012 ita hetan susesu bo’ot ona, no husu ba estrutura tomak atu servisu maka’as liu tan iha eleisaun 2017 ita bele aumenta tan votus.

Prosesu Konferensia

Ohin, Sábado loron 10 Fulan Outubro, Tinan 2015, iha Sede Partidu Kongresu Nasional Rekonstrusaun Timor-Leste Munisípiu Ermera, realiza Konferénsia Munisipal hodi hili Estrutura Partidu CNRT iha Munisípiu Ermera ba periódu 2015-2020 no mos enseramento conferencia nivel municipal iha Timor laran. Delegadus ne’ebé marka prezensa iha konferénsia ne’e mai husi reprezentantes husi Postus Administrativus lima (5) mak hanesan; Postu Administrativu Ermera Vila, Postu Administrativu Railaco, Postu Administrativu Letefoho, Postu Administrativu Hatulia, no Postu Administrativu Atsabe, inklui mos organizasaun tolu (3) husi KP, OMP no OJP no estrutua municipio Ermera, ho total delegadus 526 tuir Regimento maibe presente hamutuk 438 Delegados

Iha konferensia ida ne’e partisipa mos koordenadores Partido CNRT munisipiu 12, no observadore no konvidado sira

Konferénsia Partidu CNRT Munisípiu Ermera nian ba datolu ne’e loke husi Prezidente Partidu CNRT Kay Rala Xanana Gusmão.

Molok atu tama ba prosesu hili estrututa foun, vice presidente komp. Virgilio Smith fo lia menon ba estrutura aktual molok disolve estrutura tuan.

Prosesu eleisaun ba estrutura foun meja orienta ho aprezenta lista pakote ne’ebe delegados sira aprezenta ho pakote 3 ( tolu ) mak hanesan Pakote A, B, No C.

Maibe ikus mai Pakote C, despacho anuladu no kandidatu ba koordenador mak rezeita, no hetan aprovasaun maiória absoluta husi delegadu sira hodi anula pakote ida ne’e.

Ho orientasaun tomak husi meja verificasaun maka iha elisaun ne’ebé partisipa husi delegadus prezente rezulta pakote B sai hanesan vensedor ho valor votus 289 .pakote A ho valor 62 votus, ho votus nulo 24. Rezultadu hatudu katak delegadus ne’ebe vota hamutuk 375.

Kompozisaun Pakote B mak hanesan tuir mai ne’e : Koordenador : Domingos Lopes Lemos, I Vise Koordenador :Jose Lino Soares, II Vice Koordenador : Agustinho Lay, Sekretáriu : Marcos Soares Martins, I Vice Secretariu : Ramalhino Lelo da Cruz, II Vice Secretariu          : Felisberto das Neves, Reprejentante OJP : Fernando Soares, Reprejentante OMP : Angelina R. Mali, Reprejentante Veteranus : Bikiak ( Regina Araujo ), Ansiaun : Vito Caio dos Santos, KP : Antonio Alves da Costa.

Prosesu tomak la’o ho di’ak to’o remata ne’ebé taka husi Prezidente Partidu CNRT Compañeru Kay Rala Xanana Gusmão iha biban ne’e no fo posse ba estrutura foun ne’ebé eleitu.

Depois fo posse Prezidente Partidu hato’o diskursu no fo Orientasaun Polítika ba estrutura tomak no delegadus sira ne’ebé iha.

Ho nune’e, akta ba Konferénsia partidu CNRT Munisípiu Ermera mak sai nudár baze legal hodi hakotu prosesu tomak to’o nia rohan.

 

 

  • 0 comment
  • Read 2635 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP