Kailako: II Vise Prezidente Partidu Kongresu Nasional Rekonstrusaun Timor Leste (P-CNRT), Virgilio Smith “Cranic” fó pose ba estrutura Organizasaun Juventude Partidu iha Postu Administrativu Kailako hodi kompleta estrutura OJP-CNRT iha Postu Kailako.

 

Tuir estatutu OJP-CNRT artigu 23 aliña 2, iha dia 4-5 de outubro tinan 2015 liu ba deklara katak estrutura OJP tenke to’o iha postu administrativu sira, maibe em-prinsipiu iha 2012, OJP so iha deit munisipiu, iha postu sira ema nain ida deit. Ho alterasaun estatutu OJP-CNRT ninian ne’emak estrutura sei monta too iha postu administrativu sira.

Hafoin fó pose ba estrutura foun OJP-CNRT Postu Administrativu Kailako, II Vise Prezidente Partidu CNRT, Virgilio Smith husu estrutura OJP Kailako katak ita tenki determina prinsipiu no politika Partidu nian, ita CNRT sei metin nafatin ho ita nian Maun Bo’ot Prezidente Partidu, Xanana Gusmão,hodi defende ita ninian politika ba dezenvolvimentu, politika oinsa atu haree ba futuru ne’ebé tau ona iha liña jerais politika Partidu nian katak liberta ona rain, liberta ona patria, mai ita atu liberta tan povu. Dehan Vise II Prezidente Partidu CNRT, Virgilio Smith iha Kailako Loron Domingu (13/03/16).

Vise Prezidente “Cranic” ne’e mos informa liu tan Partidu CNRT sei hamrik Firmeza hodi defende soberania liu-liu riku-soin sira iha tasi laran.

“Partidu mos sei deklara firmeza ho ninia posizaun hodi hamrik metin nafatin ho Prezidente Partidu Maun Boot Kay Rala Xanana Gusmão hodi defende interese nasional ne’ebé interese konaba soberania, interese ne’ebé atu defende ita nia rikusoin, liu-liu riku-soin sira iha tasi laran”

Iha tempu hanesan Prezidente Klibur Profesional (KP-CNRT), Miguel Manetelo, nia husu ba estrutura ne’ebé mak hetan pose ne’e tenke komunga nafatin visaun no misaun Partidu nian hodi hametin estabilidade iha rai laran.

“Hau husu estrutura OJP-CNRT ne’ebé mak ohin simu pose ne’e núdar kuadru Partidu nian iha baze tenke mantein garantia estabilidade no paz iha postu administratativu kailako laran” dehan Manetelo

Iha sorin seluk Koordenador P-CNRT Postu Administrativu Kailako Alfredo Moniz husu ba juventude sira ne’ebé mak tama iha estrutura Partidu CNRT nian tenke tasak no maduru hodi defende interese Partidu nian nomos povu no nasaun. “ Hau husu ba alin sira ne’ebé mak mai husi Selkom no NuRep katak kuandu ita involve a’an iha Partidu CNRT tenke tasak, maduru, labele rona rúmoris mai husi Partidu seluk, bai-bain partidu seluk ne’e so mai para sobu ita. Maibe hau fiar katak Partidu CNRT, Partidu mais votadu, Partidu ida ne’ebé mak sei tasak liu iha ita nia nasaun ida ne’e, ne’ebé ita hotu-hotu tenke komprende,no ita hotu-hotu tenke involve a’an ho maturidade politik ne’ebé ita iha nanis ona.” dehan Koordenador Kailako, Alfredo

Koordenador Partidu CNRT Postu Kailako, ne’e mos fiar metin katak estrutura Partidu CNRT iha Kailako sei lanakdoko no kontinua habelar programa Partidu nian iha baze,“Ami estrutura Partidu CNRT Kailako metin hela, lahakfodak, la nakdoko, iha Postu Administrativu Kailako hamutuk suku ualu (8), estrutura husi NuRep no Selkom hamutuk juventude sira prontu atu habelar programa no vizaun Partidu nia too iha baze. Ami mos iha ekipa task force ida husi postu administrativu, ami sempre tun ba iha suku no aldeia hamutuk ho estrutura suku no aldeia hodi habelar aktidade partidu nia iha baze. dehan Koordenador Kailako, Alfredo

Ikus liu Kordenador Kailako, Alfredo Moniz husu ba militante no simpatizante sira hotu iha Kailako atu se liman ba malu, fó kabas ba malu,hodi lori Partidu CNRT ba oin, fiar katak iha eleisaun jeral 2017 ita sei manan dala ida tan, no votus sei barak liu tan iha eleisaun jeral 2012 nia.

Iha seremonia fó pose ba estrutura OPJ-CNRT Postu Administrativu Kailako, Munisipiu Bobonaro ne’e Partisipa husi II Vise Prezidente Partidu CNRT, Virgilio Smith, Administrador Munisipiu Bobonaro, Estrutura Partidu CNRT iha Munisipiu Bobonaro, Reprezentante OMP, Prezidente KP, Miguel Manetelo, Koordenador Partidu CNRT Postu Administrativu Kailako, Alfredo Moniz, inklui estrutura Partidu CNRT Selkom no NuRep iha Postu Administrativu Kailako laran tomak. (Manuel R. Ximenes)

 

  • 0 comment
  • Read 1346 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP