ZUMALAI-Prezidente Partidu Congresu Nasional Rekonstruksaun de Timor Leste (CNRT), Jose Alexandre Kay Rala Xanana Gusmao, hatete partidu CNRT laos ninian no CNRT sai partidu neebe boot mos laos tanba nia maibe tanba povu tomak nia apoiu.

“Partidu CNRT laos hau nian mesak, CNRT sai partidu neebe boot mos laos tanba hau ida naran Xanana nee maibe, CNRT povu tomak nian no CNRT sai partidu neebe boot mos tanba povu tomak nia apoi husi rai ulun too rai ikun no husi tasi mane too tasi feto,” hatete Xanana.

Xanana hatutan, husu ba povu tomak atu kontinua fo fiar ba nia iha tinan lima nee nia laran liu husi eleisaun parlamentar neebe sei realize iha loron 22 fulan 7 tinan 2017.

“Hau husu imi hotu nia apoiu. Mai hamutuk ho hau ita lori rai nee ba oin hodi kontinua dezenvolvimentu neebe mak ita halo ona. Hau mesak sei labele maibe konta ho imi hotu nia apoiu maka ita sei lao ba oin maske neneik, tanba ita labele halo buat hotu iha tinan 10 nia laran deiit,” dehan Xanana.

Xanana mos rekuinese durante ukun iha tinan 10 nia laran iha buat barak mak seidauk halo maibe nia mos husu ba partidu seluk atu labele nega saida mak CNRT halo ona ba rai ida nee.

“Iha ema balu dehan CNRT ukun lahalo buat ida ou buat barak mak seidauk halo nee los. Iha buat balu mak CNRT seidauk halo maibe husu ba partidu seluk labele atu nega saida mak CNRT halo ona ba rai no povu ida nee,” informa Xanana.

 

Last modified on Wednesday, 21 June 2017
  • 0 comment
  • Read 158 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP