Ainaro-Veteranus Municipiu Ainaro deklara sei fo apoiu tomak ba eis Komandante das FALINTIL Xanana Gusmao atu kontinua ukun iha governasaun ba dala hitu ho rajaun Xanana mak mata dalan ba dezenvolvimentu.

Deklarasaun nee fo sai husi veteranus, Gil da Costa Monteiro alias Oan Soru liu husi deskursu iha kampania partidu CNRT nian ba loron 3 neebe mak halao iha Ainaro Vila Kinta (22/06/2017).

“Timor nee atu lao ba oin so ema ida deit mak maun Xanana. Laiha tan ona ema seluk tanba nee hanesan veteranus ida neebe mak uluk hamutuk ho maun Xanana iha ailaran husu ba veteranus tomak atu fo apoiu masimu nafatin ba maun Xanana hodi liberta povu ida nee husi kiak no mukit nia laran,” dehan Oan Soru.

Oan Soru hatutan, povu no nasaun nee sei persija hela Xanana Gusmaonia kontribusaun atu lori rai nee ba moris diak tanba maske ho idade 71 ona maibe sei kontinua esforsu atu povu bele moris diak.

Nia hatutan, kuandu laiha Xanana Gusmao maka veteranus mos lahetan pensaun tanba nee husu ba Ainaro oan tomak liu-liu veteranus atu apoiu nafatin Xanana Gusmao hodi fo votus liu husi eleisaun fulan oin.

Iha fatin hanesan eis deputadu husi Partidu Sosial Demokrata (PS) neebe hanesan mos veteranus, Agostu Tara, mos hatete CNRT sei manan tan ba dala 3 ho Xanana Gusmao nia lideransa.

“Mai ita fo apoiu tomak ba maun Xanana no lori CNRT manan tan ba dala 3 hodi hadia rai ida nee tanba Xanana mak asuwain ba rai ida no kuandu laiha Xanana lalika mehi atu ukun an. Iha tinan 5 liu bah au konsidera hau nia votus mota lori tiha tanba nee tinan nee hau lakohi ona atu mota lori tan hau nia votus tanba nee hau no ita hotu sei hili Xanana ba ukun,” dehan Tara.

Responde ba apoiu neebe mai husi veteranus sira prezidente CNRT, Xanana Gusmao hatete, nia mesak seilabbele halo buat ida maibe ho apoiu tomak povu nian maka sei lori rai nee ba moris diak.

“Hau mesak labele halo buat ida tanba nee konta ho imi hotu nia apoiu tomak bah au mai ita hamutuk lori rai nee ba dezenvolvimentu hodi hadia povu nia moris,” dehan Xanana.

  • 0 comment
  • Read 241 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP