Redaksi

Redaksi

DILI- liu husi Eleisaun Sekreta Durante Kongresu Partidu CNRT ba Dala tolu neebe halao iha sentru Konvensaun Dili, Kongresista sira konsege hili  Pakote Francisco Kalbuadi lai sai nudar Sekretariu Zeral partidu CNRT durante periode 2017-2022

Liu husi Elisaun Sekreta  iha kongresu Partidu CNRT ba Dala tolu neebe halao iha Sentru Konvensaun Dili, Domingu (30/01/2017) Maioria Kongresista fo fiar ba Francisco Kalbuadi lay nudar sekretariu Zeral partidu CNRT durante periode tinan lima.

Francisco Kalbuadi Lay neebe mak husi pakote pakote B  hetan  Votus 530, nunee manan Pakote A  total Votus 188 no pakote C  total Votus 195, Iha mos votus nulu 73 no Votus Branco 7 husi total kongresista 993.

Durante Kongresu Kongresista sra Aprezenta Pakote tolu neebe  husi Pakote Pakote A ho estrutura hanesan Prezidente Konseilu Politika Nasional Kay rala Xanana Gusmao, Vice Prezidente I Agio Perriera, Vice Prezidente II Germano da Silva Perreira, Vice Prezidente III Bilou Mali, Vise Prezidente IV Natalino dos santos, Vice Prezidente V Delfina Fatima, Vice Prezidente VI Marcos Fuca, Sekretariu Zeral  Aderito Hugo da Costa, Vice Sekretariu Zeral I Amandio de Sa Benevides, Vice Sekretariu Zeral II Julio Tomas Pinto no Vice Sekretariu Zeral III Angela maria Corvelho.

Pakote B  Kompostu husi Prezidente Konseilu Politika Nasional Kay Xanana Gusmao, Vice Prezidente I Antonio da Costa Bucar, Vice Prezidente II Virgilio Smith, Vice Prezidente III Bisoi, Vice Prezidente IV Tomas Cabral, Vice Prezidente V Berndito dos Santos Freirtas, Vice Prezidente VI Francisco da Costa, Sekretariu Zeral Francisco Kalbuadi lay, Vice Sekretariu Zeral I Jacinto Rigoberto, Vice Sekretariu Zeral II Francisco Guterres no Vice Sekretariu Zeral III Jacinto Viegas Roque.

Pakote C Kompostu husi Prezidente Konseilu Politika Nasional Kay Rala Xanana Gusmao, Vice Prezidente I Virgilio Smith, Vice Prezidente II Eduardo de Deus Bareto, Vice Prezidente III Duarte Nunes, Vice Prezidente IV Jacinto Viegas Vicente, Vice Prezidente V Januario Perreira, Vice Prezidente VI Arao Noe, Sekretariu Zeral Dionisio babo Soares, Vice Sekretariu Zeral I Jacinto Rigoberto, Vice Prezidente II Idelta Maria Rodrigues no Vice sekretariu Zeral III Antonio Gutrres.

Vice-Presidnete Partidu UDT, Francisco Cruz Simoes  Soares, afilia tama Partidu CNRT, no promote sei lori ema 500 iha Munisipiu Viqueque tama CNRT.

“Hau pesoalmente deklara hodi tama ba CNRT, depois kongresu ne remata, hau sei lori hau nia maluk 500 tama CNRT,” dehan Francisco Cruz, hafoin akompanha kongresu P-CNRT nian, Domingu 30/04/2017, iha CCD.

 Nia haktuir katak uluk hanesan Vice-Presidente UDT,  maibe tamba iha problema interno oituan iha Partidu nia laran, deside rezigna an husi UDT hodi servisu hamutuk ho OMP Partidu-CNRT, no hetan apoiu  makaas husi OMP P-CNRT.

Nia hatete tempu to’o ona  atu halo deklasaun pessoal, tamba durante tinan 2 la’o hamutuk ho OMP P-CNRT.

“Durante loron tolu hau akompanha kongresu P-CNRT nian,  iha buat tolu nebe mak hau gosta tebes, primeiro mak iha Lideransa ida nebe gadismatiku Maun Boot Xanana Gusmão, alem de ne P-CNRT mos iha espensia ukun. Segundo CNRT bele resolve problema krize 2006 iha Timor, P-CNRT hakuak ema hotu ne hatudu katak Partidu CNRT iha kapasidade atu ukun Timor. Terseiro CNRT representa Unidade nasional, tamba Partidu CNRT la hare ba koor Partidu, se deit bele tama iha Partidu CNRT,” tenik Francisco.

Nia garante katak sei halo aprosimasaun ba povu Munisipiu Viqueque hodi tama P-CNRT, tamba tempu to’o povu sira iha ulun nakloke no visaun ida nakloke hodi hare ba future país nian, no mos ba futuru povu Timor-Leste nian.

 

 

DILI – Dirijenti Partidu Congressu Nasional Rekontrusaun Timor-Leste (CNRT) Munisipiu Baucau nian fo garantia katak partidu ne’e sei hetan kadeira rua iha nia teritoriu.

Virgilio Ferriera nudar koordenador ba munisipiu ne’e hateten, bazeia ba rezultadu eleisaun parlamentar iha 2012, konsege hetan votus 6 mil resin no iha 2012  hetan votus 12.694.

“Ami iha esperensa katak iha elisaun 2017 agora, ami sei hetan votus barak, konta ba kadeira ami hetan kadeira rua iha Baucau,” dehan Virgilio ba Jornalista Domingu (30/04/2017) iha Sentru Konvensaun Dili.

Nia hatete iha Eleisaun Parlamentar 2017, CNRT iha Munisipiu Baucau esforsu makas hodi estabelese kuadru estrutura too nivel aldeia tan nee pronto  hodi halo kompetisaun partidu sira seluk.

Nune’e hosi Munisipiu Viqueque nian hateten katak sira nia munisipiu CNRT sei hetan vots rihun 20.

“Elisaun Agora, Ami CNRT iha Viqueque Sei hetan votus rihun 20 , ita konta ba kadeira ami sei hetan kadeira 3,” dehan Anacleto Freita nudar Koordenador P-CNRT Munisipiu Viqueque.

Nia esklarese, votos ne’e nia fiar sei realiza duni tamba agora nia iha estrutura too iha baze.

Ho estrutrutura ne’ebe CNRT iha to’o baze, hosi Oecusse mos garante ona katak partidu ne’ebe lider ahosi Maun Bo’ot Kay Rala Xanana Gusmao ne’e sei hetan votos rihun 15.

Tuir Koodenador CNRT, RAEOA Firmino Taequi hatete elisaun Parlamentar iha 2017 neebe mai iha Oe Cusse la ses husi rezultadu elisaun iha 2007 no 2012 tamba rezultadu elisaun  iha 2007 CNRT  hetan votus 9 mil no iha  2012  hetan votus 12 mil.

“Eleitor iha Oecuse agora dadaun 45 mil, ita hatene eleitor balun sei la ba vota, tan nee hau nia prediksaun Oe cusse ba CNRT sei hetan votus 15 mil ba leten,” dehan Firmino.

DILI -  Hodi Investe estrutura no apoiu atividade partidu nian, Congresso Nasional Rekonstrusaun Timor-Leste (CNRT) durate tinan lima gasta ona osan  dolares miliaun lima (5) iha nia dezemvolvimentu partidu.

“Durante tinan lima ami gasta osan porvolta 5 miloens dolar hodi investe iha estrutura no atividade neebe tama kategoria kapital menor, kapital investimentu, auditoria nee ami hatoo hotu ba CNE nunee sira akompana,” dehan Sekretariu Jeral Partidu CNRT, Dionisio Babo Soares ba Jornalista, Domingo (30/04/2017) iha Sentru Konvensaun Dili.

Planu no programa importante neebe implementa durante tinan lima, tuir Dionisio Babo katak partidu CNRT iha estrutura too baze no CNRT iha klibur professional hodi halao servisu no prepara konseitu programa hodi halo diskusaun neebe lao hela, organizasaun joventude partidu, organizasaun feto iha partidu, no mos estrutura munisipiu hotu-hotu servisu makas atu estabelese Partidu CNRT too iha baze.

“ Ami iha faze politiku neebe mak ami halo  tiha ona mapamentu politika hodi halo analiza kona ba forsa politika iha baze atu prepara programa partidu nia vizaun hodi faan ba povu iha 2017-2022, programa nee partidu halo atu dezenvolve ita nia nasaun,” dehan Babo.

Nia hatete importante liu mak partidu iha ona estrutura husi nasional too iha baze no mos partidu iha ona orgaun neebe estabelese husi nasional, munisipiu, postu administrativu too iha baze.

Díli - “Liberta povu labele sai ‘slogan’ baratu ida, tamba só bele mai husi ‘vizaun nebé klara kona-ba prioridades país nian no nesesidades básikas populasaun tomak nian.”

Kestaun ne’e hato’o hosi Prezidente Partidu Kongresu Nasionál Rekonstrusaun Timorense (CNRT), Kay Rala Xanana Gusmão iha diskursu abertura III kongresu Partisu CNRT nian iha Sentru Konvensoens Díli (CCD), 28/04/2017.

Xanana dehan atu Liberta Povu ezije uluk liu koñesimentu profundu ka kle’an ba realidade sosiál no ekonómika povu ne’e nian, hodi bele formula ka hasai dalan ida, objetivu no realista, hodi muda nei-neik povu ninia kondisaun moris.

“CNRT, hanesan partidu polítiku, mosu atu bele partisipa ativamente iha Rekonstrusaun País no ba Libertasaun Povu. Kuandu temi hakarak Liberta Povu, ne’e katak iha duni ona Vizaun ida ba longu prazu, hodi bele oriénta povu ida ne’e ba dalan ne’ebé nia bele hatán lolós ba ninia nesesidades tomak,” Xanana dehan.

 

Liu hosi III Kongresu Partidu Kongressu Nasionál Rekonstrusaun Timorense (CNRT), Prezidente partidu CNRT, Kay Rala Xanana Gusmão hatete maske partidu CNRT manan iha eleisaun maibé antisipa atu labele mosu tan konflitu foun hanesan kilat.

“Partidu CNRT rasik sei matan mós, hodi antesipa labele mosu konflitu foun, liuliu ho kilat, hodi estraga populasaun no populasaun nia soin, konflitu nebé sei enfrakese deit Estado independente RDTL,” Xanana levanta kestaun ne’e iha nia diskursu abertura terseiru kongresu partidu CNRT, Sesta, 28/04/2017, iha sentru Konvensoens Díli.

Xanana dehan atu iha tempu besik ka naruk, krizi 2006 hatudu ona ejemplu ba ita katak ba futuru labele akontese tan krizi ne’ebé halo povu terus no sofre dala ida tan.

Prezidente CNRT akresenta Iha kontestu istóriku 2006 nian, maka CNRT, hanesan partidu polítiku, mosu atu bele partisipa ativamente iha Rekonstrusaun País no ba Libertasaun Povu, Kuandu temi hakarak ‘Liberta Povu’, ne’e katak iha duni ona “Vizaun ida ba longu prazu”, hodi bele orienta povu ida ne’e ba dalan ne’ebé nia bele hatán lolós ba ninia nesesidades tomak.

Xanana dehan baze fundamentál hodi kria Partidu polítiku, hanesan CNRT, Tanba moris hosi povu nia terus ne’ebé badak maibé todan ne’e, hanoin polítiku ne’ebé sai hanesan matadalan ba CNRT maka: “Liberta tiha ona Pátria, agora tenki liberta Povu”.

Eis Prezidente Repúblika ne’e salienta Tanba Libertasaun Pátria ezije tiha ona ba Povu sakrifisius ne’ebé sura la hotu, kompromísiu polítiku CNRT nian maka sei la lori tan povu ne’e ba sakrifísius desnesesárius ka ne’ebé loloos labele.

Iha krize nia laran, sosiedade timoroan, liuliu iha setor politiku, la konsege hatudu kbit atu haré didiak ba kauzas nebé hamosu dezastre politiku-militar ne’e, hodi la konsege evita ka hamenus konsekuênsias nebé lamentáveis tebes to’o ema balun mate, barak lakon sira nia bens no rihun liu atus ida mak sai husi uma, ho nune’e destrói ka halakon tiha armonia sosial iha País.

Krize ne’e prova konkreta ida ba kbit laek, husi ita rasik, atu korrije tiha erros nebé, ita hotu devia assume, hanesan koletivu ida nebé envolve direta ka indiretamente iha krize né, hodi husu fali komunidade internasional atu intervem, hodi hatudu tan fator seluk iha ita-nia realidade, hanesan Rai nebé foin sai husi konflitu – fator ne’e mak dependensia ka entrega fali intereses nasionais ba ema seluk nia liman.(###)

DILI- Figura politiku nain 3 hosi Partidu CNRT, Dionisio Babo Soares, Aderito Hugo no Francisco Kalbuadi Lay iha kapasidade hodi asumi kargu sekretariu jeral (sekjer) Partidu CNRT nian.

Maski dadauk ne’e Dionisio Babo Soares sei asumi kargu sekjen, ministru administrasaun estatal ne’e hakarak re-kandidata an tan ba nia kargu iha partidu.

Entertantu, Francisco Kalbuadi Lay atual Prezidenti Komisaun Diretiva Nasional (CDN) Partidu CNRT nian sedauk koalia sai nia kandidatura, maski Prezidenti Parlamentu Nasional, Aderito Hugo iha loron dahuluk kongressu nasional CNRT nian hato’o ona nia komentariu ba publiku katak pronto kandidata an ba kargu importante iha partidu CNRT nian laran ne’e

                “Ita hare kandidatura nain tolu nee mesak CNRT nia ema hotu, iha kapasidade hotu. Maibe kogresista mak sei diside ida neebe mak asumi kargu sekretariu jeral partidu,” dehan Koordenador CNRT Munisipiu Baucau ba Jornalista Sabadu (29/04/2017) iha sentru Konvensaun Dili.

Ba nia, se-se mak sai sekjer, importante ema ne’e bele servisu hamutuk ho prezidente partidu bele dezenvolve partidu no implementa programa partidu nian.

Lia hanesan hato’o hosi Koordenador Munisipiu Dili, Luis Caldeira katak sekjer foun tenki leal ba estrutura no partidu hodi servi povu  diak liu  no dezenvolve nasaun ba oin.

Saturday, 29 April 2017 00:00

Xanana Lidera Meja Kongresu CNRT

DILI – Eleisaun ba estrutura meja Assembleia Kongressu Nasional CNRT nian hili pakote Kay Rala Xanana Gusmao hodi lidera meja kongressu durante loron 3 hahu Sabadu (29/04/2017) too Segunda (01/05/2017).

Iha eleisaun estrutura meja kongressu nian ne’e, delegadu sira hatoo pakote 2 ne’ebe kompostu hosi lista A mak Prezidente Kay Rala Xanana Gusmao, Vice I Dionisio Babo Soares, Vice II Januario Perreira,Vice III Helder Lops,  sekreteria Idelta Maria Rodrigues, Vice Sekretariu I Carmelita Moniz, Vice Sekretaria II Bilou Mali. Iha aprezentasaun lista pakote ne’e hetan apoiu asinatura hamutuk 34 hosi delegadu sira.

Pakote B ne’ebe hetan apoiu asinatura hamutuk 328 ba sira nia kandidatura nia estrutura mak Prezidente Meja, Kay Rala Xanana Gusmao, Vice Prezidente Francisco Kalbuadi Lay, Vice II Dionisio Babo Soares, Vice III Vicente Guterres no Sekretaria Meja Terezinha Viegas, Vice  Sekretaria I Brigida Correia, Vice Sekretaria II Maria Fernanda lay.

Bazea ba lista neebe aprezenta, komisaun verifikasaun lakonsidera lista A tamba lapriense kriteira nune’e avansa ho lista B, nunee komisaun verifikasaun konsidera deit lista pakote B. Iha nia votasaun ho sistema dereta, delegadu sira fo votos afavor 975, kontra 7 no abstensaun 15.

 

Page 1 of 15

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP