Dili: Prezidente Repúblika Taur Matan Ruak, Kuarta feira ne’e lori materiais eskolar nian hanesan meza 100 inklui kadernu, lapizeira ho ekipamentus desportu nian ba eskola Báziku Filial iha suku Beremana, sub-distritu Turiscai distritu Manufahi nian, hodi intrega diretamente ba diretores eskola.

Iha vizita ne’e Xefe Estadu mós lori ho ekipa enjeñaria hosi F-FDTL no ekipa korpu seguransa pessoal Xefe Estadu nia hodi halo serbisu sosial hanesan halo kadeira no meja hosi au no ai-samtuku iha suku refere ba estudantes sira atu uja, tanba durante ne'e sira tur de'it iha rai mak tuir aprendijazen. 

Ajuda refere Xefe Estadu oferese tanba foin dau-dauk iha nia vizita la’o ain hosi sub-distritu Turiscai Villa ba suku Fatumaquerec hola mós oportunidade hodi haree no observa kondisaun eskola iha suku Beremana. Iha vizita ne’e Xefe Estadu haree ho matan estudantes sira hosi primieru to’o terseiru ano túr de’it iha rai mak hala’o aprendizajen, ho ne’e halo Xefe Estadu laran triste, tanba ne’e Xefe Estadu deside ajuda meja ne’ebé hetan apoiu hosi Rotary Club Austrália nian.

Xefe Estadu dadaun ne'e iha suku Beremana akompana direta ekipa enejeñaria F-FDTL hodi halo kadeira no meja, i kalan ne'e Xefe Estadu sei deskansa iha suku refere.
Tuir agenda Sesta feira aban Xefe Estadu ho kometiva sei la'o ain ba vizita veteranus Kasian iha aldeia Atemua no liu ba suku Tutuluro, sub-distritu same nian.

 

Last modified on Friday, 05 December 2014
  • 0 comment
  • Read 60591 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP