Xanana, Mari No Lú-Olo Prontu Kontribui Paz No Estabilidade Iha Rai Laran

PDFPrintE-mail

Notisia - Nasional

Dili MLP: Lideransa istóriku nain tolu husi Partidu politíku rua hanesan Partidu CNRT ne’ebé mak Lidera husi Eis Gerileiru, Kay Rala Xanana Gusmão no Partidu Istóriku Fretilin ne’ebé Lidera husi, Francisco Guterres (Lú-Olo) no Dr. Mari Alkateri sira hotu promete ba povu tomak katak prontu atu kontribui ba paz estabilidade iha rai laran.

Relasiona ho distúrbiu ne’ebé mak akontese iha Domingu (15/07) lokraik too Segunda-Feira (16/07) dadersa Timor laran tomak konsege hamate joven ida inklui sunu uma no kareta públiku nian balun rahun ne’eduni Prezidente Repúblika, Taur Matan Ruak bolu urjente Kay Xanana Gusmão, Lú-Olo, Mari Alkateri nomos lideransa partidu sira seluk, husi PD no Frente Mudansa.

Hafoin sira enkontru ho Prezidente Repúblika, Prezidente Partidu Kongresu Nasional Rekonstrusaun Timor Leste (CNRT), Kay Rala Xanana Gusmão ba Jornalista sira katak, sira sei haruka sira nia miltante CNRT, no mos Povu tomak atu hakmatek.

“Hau laiha buat barak atu ko’alia, maibe Prezidente bolu ami mai atu evita violénsia, maka ne’e deit,” hateten Xanana Gusmão.
Oportunidade ida ne’e mos, Sekretáriu Jeral CNRT, Dionísio Babo mos hateten katak, CNRT prontu atu kontribui ba paz no estabilidade. Ne’eduni nia husu ba militante CNRT tomak atu kalma no laran malirin.
“Hau hatene katak iha balun hirus, maibe ida ne’e desizaun Partidu CNRT nian halo ho transparénsia no demokrátiku tebes. Ketak maluk balun deskobre durante debate no hasai arepende teb-tebes, ne’eduni hau husu katak ita mesak Timor oan deit, ne’eduni ita presiza estabilidade,” Dionisio hatete.
Nia tenik, katak kona ba reasaun ne’ebé hala’o ida ne’e la’os mai husi grupu ida ka rua la konkorda ho desizaun husi grupu seluk nian ida ne’e normal iha mundu tomak akontese, maibe CNRT espera katak mesak Timor oan tomak atu bele simu malu hodi dezenvolve TL, no labele atu atu akontese tan.
Tuir mai CNRT prontu kolabora nafatin ho seguransa hanesan PNTL, F-FDTL hodi garante estabilidade iha Timor Leste. Ne’eduni fó apelu dala ida tan ba iha militante CNRT tomak atu kalma no labele provoka no halo asaun.
Iha oportunidade ida ne’e, Prezidente Partidu Fretilin, Francisco Guterres, Lu-Olo, hateten mos katak, Prezidente TMR bolu sira mai, tanba nia rasik preokupa ho situasaun iha rai laran.
“Ho situasaun ida agora rasik, ne’ebé maka akontese iha ita nia rai ami bele halo buat ruma atu bele hakalma situasaun. Ami nia prinsípiu hori uluk kedas sempre hakalma situasaun, so ke linguazen balun ne’ebé maka horseik hateten iha konferénsia CNRT ninian maka provoka situasaun, maibe ami hakarak garante paz no estabilidade nafatin,” hatete Lu-Olo.
Aleinde ida ne’e, Fretilin sei buka oinsa, hodi buka kontribui nafatin atu bele garante paz no estabilidade iha Timor Laran laran tomak, ne’eduni lider Fretilin hot-hotu sei hato’o mensajem ba iha ninia militante tomak atu hakmatek hodi kontribui ba iha paz no estabilidade.

Nune’e Sekretáriu Partidu Fretilin, Dr. Mari Alkatiri dehan ba ajensia Lusa ohin katak  Nia ko’alia ona ho Prezidente Repúblika nó kolaboradór Xanana Gusmão nian “hodi apela katak sira asume postura ida ne’ebé bele hakalma ema hot-hotu”.
Sai hanesan opozisaun, hafoin Partidu Kongresu Nasional Rekonstrusaun Timore Leste deside konvida Partidu Demokrátiku (PD) nó Frente Mudança hodi forma Kintu Governu maioritária, nó Mari Alkatiri garante katak “Nia respeita totalmente rezultadu eleitorál ne’e”, hateten Alkatiri



Latest Newsbadge

Konsolidasaun No Reajustamentu Iha...

Dili- iha loron,5/3/2011 Primeiru Vise...

Notisia CNRT

Livru dahuluk kona-ba múzika...

Dili:Livru dahuluk ne’ebé hakerek husi Roslyn...

Nasional

PN Husu PNTL Tenke Mantein Lei No Orden

Dili: Reprejentante povu iha uma fukun Parlamentu...

Nasional

Planu ME sei loke tan eskola...

Dili-MLP-Tuir planu Ministeriu Edukasaun sei loke...

Nasional

Xefe Suku Fatumakerek Sub-Distritu...

Dili,Xefe Suco Fatumakerek Sub Distrito Laclubar...

Nasional

Visitor

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8
mod_vvisit_counterYesterday1620
mod_vvisit_counterThis week4795
mod_vvisit_counterLast week0
mod_vvisit_counterThis month8
mod_vvisit_counterLast month4787
mod_vvisit_counterAll days3423513

We have: 12 guests, 4 bots online
Your IP: 54.226.191.80
 , 
Today: Nov 01, 2014
Tools