Iha Okaziaun Konferensia Nasionál Partidu CNRT

Centro Convenção Díli, 2-3 Agosto 2014

Companheiro Prezidente Partidu CNRT, Maun Bo’ot Kay Rala Xanana Gusmão;

Companheiro Sekretáriu-Jeral Partidu CNRT, Senõr Deonisio Soares Babo

Companheiro Prezidente CDN

Companheiro Prezidente CPN

Companheiro Prezidente OJP no Prezidente KP

Maluk Konfrensista sira husi Distritos, Sub-Distritos, Sucos no Aldeia B-Dia

Foin tinan 2 ita nia Partidu lidera Governu hahu husi HAND OVER, HADIA UMA LARAN, ESTABELECE GABINETE FOUN NO SST, depois tama kedas ba OGE 2013, tempo badak liu atu sukat vantagens no desvantagens, maibe ba oportunidade ida ne’e Organização Mulher Partido-CNRT haksolok tamba dala ida tan Partido halibur quadros politicos husi nivel nasional toó base atu halo reflesaun no avaliasaun ba lalaok MP no Governo nune’e mos P-CNRT rasik, progresu saida maka atinge ona tuir kompromisu politiku lori identifika desafios nudar momentu exacto atu hamutuk koalia ba malu no oinsa buka solusaun.

Organização Mulher Partido-CNRT orgulha mos tamba Timor-Leste nasaun sei kik, nurak ho 12 anos de idade maibe iha ona espíritu solidariedade no koperasaun, iha kbit hatudu resultados no berani identifika desafios atu asegura katak esforsu hotu2 nian ba futuru tenki laó hamutuk ho prioridades nasionais no necessidades populasaun tomak. Oraganização Mulher Partido CNRT regista susesu lubuk ida iha rai laran maibe sei temi deit balun hahú husi garantia estabilidade nasional, investimentu makas ba capital humanu, assuntos sociais hanesan bolsa mae, veteranos, segurança social Justiça,Saúde, Educação, Agrikultura, Infra-Estruturas básicas no hadia sistema balun iha Mnistério Finanças no sst.embora ita sei país 3º mundo ho 12 anos de idade dala ida tan;  la haluhan afirma mos iha ne’e susesu iha rai li'ur; ita hetan fiar lidera nasaun frágil ne'ebé hanaran G 7 + ESKEP,  Peace building no EITI (FORUM TRANSPARENSIA) nebe koalia ba transparensia no gestaun fundo Petrolifero); ita labele haluhan katak ita hamutuk ho lider histórico partido sira seluk lori mos tranquilidade no sossego ba ita nia país irmão Guine Bissau lori resolve situasaun rai laran; tuir mai ita foin simu knar lidera nasaun CPLP ba tinan 2; Timor-Leste fiar duni an lori  estabelece enquadramentu ida atu transforma an husi nasaun no rendimento baixu ba nasaun ho rendimentu mediu-altu iha 2030 liu husi faktor estrategiku 4 maha hanesan: sektor Economia, Sector-Sosial, Sector-Desenvolvimentu Infra-Estrutura, governasaun no fortalecimentu Institusional nebe sei depende makas mos ba mekanismu kordenasaun politika desenvolvimentu nebe sei fasilita implementasaun Plano Desenvolvimento Económico (PED} 2011-2030, Timor-Leste nurak sei hakat luan no berani ba nafatin tur hamutuk ho nasaun maun bot sira lori rona fahe no foti experiencia konaba oinsa desenvovlve bem-estar povo idak-idak nian. Ita mos hatene katak Partidu nudar forsa politika iha poder tomak atu intervem servisus Estado nudar kompromisso lori halo reflesaun no avaliasaun, hirak ne’e hotu mai husi factor determinante ida ba Plano Estratégico Desenvolvimento (PED) liu husi líder, Inspirador Motivador no Inovador especialista ba assuntos sociais maka Ita, maun Bot Kay Rala Xanana Gusmão.

 Tamba ne’e Organizasaun Mulher Partido CNRT, deklara nafatin konfiansa ba Ita maun boot Kay Rala Xanana Gusmão nudar PM tuir tempo Partido hakotu ba Ita tamba kompromisu no mehi aswain sira hamutuk ho ita, Ita bot leba husi foho tun mai cidade atu liberta Pátria ita atinge ona maibe atu liberta povu husi mukit no kiak Ita foin hahu, ida  ne’e compromisso boot ne'ebé P-CNRT compromete ona lori loke nafatin oportunidade ba povu nia oan feto no  mane atu hetan assesu ba prosesu dezenvolvimentu nudar autor.

Organização Mulher P-CNRT iha konfiansa katak Partidu CNRT maka Partidu ida ne’ebé tau ás nia promesa signifika katak, ita rasik mak fo apoio no ezige ba MP no MG tenki sai servidor exemplar tuir compromisso eleitoral 2012; Organização Mulher iha preokupasaun boot atu dudu lideransa no militante P-CNRT atu loke diskusaun nebe klean kona-bá oinsa garante Partidu CNRT nia existênsia ho lideransa kontinuador hirak nebe  komunga pensamento factor determinante ba PED, Inspirador, inovador no motivador especial ba assuntos sociais, wanhira fatór idade halo lider jerasaun tuan CNRT nian, neneik sei husik-an husi palku polítiko.

 Nudar quadro politico ami apela ba konferensistas hotu atu manten nafatin konfiansa povu nunee, tensaun sosial, nu’udar resposta ba in¬justisa, korupsaun no prátika nepotismu polítiku, balun ne'ebé sei deteta politizada tuir militantes sira identifika tenki naksobu atu fo fatin ba moris kmanek  iha nasaun RDTL nia laran. Mulher Partidu CNRT sei tuba rai metin nafatin atu kontra prátika NE’EBE LADIAK  liu-liu hirak nebe atu hanehan nafatin povu iha situasaun kiak no mukit nia laran tamba ne’e OMP-CNRT apoia transformação bot iha sector político e social nebe lao ou sei lao ho vontade bot iha democracia nomos plano ba programa descentralização poderes governação mai  ne nudar pasu importante atu preenche reconstruçao do Estado.

 IKUS liu hodi Organizasaun Mulher P-CNRT nia naran ami apoia forma ou modelo sa deit maka P-CNRT sei adopta husi Conferência extraordinária ida ne’e  nudar solusaun ba desafios nebe identifika ona atu atinge progresus tuir necesidade Governu-Estadu no hasai, halakon povu husi  kiak no mukit nia laran.

Muito Obrigado!

Viva Prezidente CNRT, Maun Boot Xanana....!

Viva Mulher Partidu,

Viva KP,

Viva OJP.........!

Presidente Organizaão Mulher P-CNRT 

Izilda Manuela da Luz Pereira Soares

Last modified on Sunday, 07 December 2014
  • 0 comment
  • Read 210752 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP