Dili: MLP- KP CNRT Nasionál hala’o enkonrtu iha Hotel Audian orseik, 05 agostu, husi oras tuku ne’en to’o remata, ho ajenda servisu maka hanesan: aprezentasaun konaba komisaun sira nian preparasaun, formasaun ba komisaun organizadora ba Dies Natalis KP CNRT ba dala lima.

 

Iha enkontru alargadu ne’e, komisaun tolu,hanesan ,Análize no Peskiza, Publisidade no Informasaun no Formasaun aprezenta ninia estratéjia konaba planu, programa no pozisaun ba tempu badak.

Ida-dak hato’o ninia planu konaba objetivu prinsipál ne’ebé sei hala’o iha tempu badak no programa ba atividade sira ne’ebé sei implementa iha nasionál to’o iha baze. Pozisaun komisaun Publisidade no Informasaun nian maka atu buka divulga , promove no provoka públiku atu hatene no define polítika Partidu CNRT nian iha kontestu polítiku liuhusi Boletin Haklaken, afirma redatór Manuel.

Komisaun Análize no Peskiza nian pozisaun maka atu buka hatene obstákulu no dezafiu sira ne’ebé impede lala’ok eleisaun jerál 2012 hodi la atinje ninia objetivu 45+, deklara koordinadór KNAP, Eduardo Serrão. Publika mos ba audénsia sira konaba konsolidasaun no orientasaun polítika ba peskizadór sira ne’ebé maka sei realiza iha sábadu no domingu, loron 8-9 setembru, iha salaun CNE Caicoli Dili.

Komisaun Formasaun nian pozisaun atu fo formasaun ba lideransa polítika sira atu hatene oinsá polítika desentralizasaun no podér lokal sira nian, subliña kompañeiru Roger Soares iha ninia aprezentasaun. Nia mos sujere ba komisaun Análize no Peskiza atu fó informasaun konaba Munisípiu,Postu Administrativu , NuRep no SelKom sira ne’ebé nesesita apoiu formasaun iha tempu badak, bainhira komisaun ne’e detekta liuhusi peskiza.

Iha segunda ajenda , KP hili komisaun organizadora ba Dies Natalis KP-CNRT nian ba dala lima. Iha eleisaun ba komisaun ne’e, membru KP sira hili komp. Marçal Avelino Ximenes hanesan koordinadór ba eventu ne’e. Eventu ne’e sei realiza iha Munisípiu Aileu ,iha loron 19 Setembru 2015. Programa ba eventu ne’e sei halo doasaun ran, sertame no fó apoiu umanitáriu ba orfanatu sira iha Venilale. Realizasaun ba programa ne’e depende ba komisaun organizadora ne’ebé eziste ona. Komisaun ne’e maka sei konvoka reuniaun atu bele deside planu ba programa sira ne’e, subliña Prezidente KP-CNRT, Miguel Mantelo iha enkontru KP-CNRT.

Enkontru ne’e remata ho rezultadu rua ne’ebé mensiona ona iha leten .Prezidente KP CNRT, Miguel Manetelo subliña katak KP nu’udar liman no ain partidu nian tenke buka servisu maka’as hodi nune’e bele atinje ita nian mehi iha eleisaun ne’ebé sei realiza iha 2017. Ikus mai enkontru ne’e taka ho orasaun no termina ho diak.

Last modified on Sunday, 16 August 2015
  • 0 comment
  • Read 2909 times

Leave a comment



Anti-spam: complete the taskJoomla CAPTCHA

About us

Depois Presidente Fretilin Nicolau Lobato mate iha 31 Dezembro 1978, Funda­dor Fretilin no membru Comite Central Freti­lin ne’ebe salva a’an iha rai liur “ la iha tan mehi ba ukun a’an”. Tamba husi 31 Dezem­bro 1978 to’o 1983, iha tinan 5 nia laran, Fundador Fretilin lahatene los se mak bele hatutan funu ne’e. Mari Alkatiri hanesan mos fundador Fretilin ida, ba Jurnalista Timor Post iha dia 04 Janeiro 2010 hateten katak “wainhira rona katak Nicolau Lobato mate, ami dehan agora saida mak atu akontese, ami komesa hare senariu bara-barak se mak atu troka Nicolau Lobato..

Contact us

Informasi seputar kegiatan Partido CNRT, silahkan hubungi salah satu kontak di bawah ini:

  • Address : Dili Timor Leste

  • Email : This email address is being protected from spambots. You need JavaScript enabled to view it.

  • Phone1 : +67078461438
    Phone2 : +67077846639

OJP, KMP & KP